Vijon situata alarmante në disa vendet të Europës, ku për shkak të temperaturave të larta, janë regjistruar mbi 1 mijë vdekje. Në Portugali temperaturat kanë shkuar deri në 47 gradë, në Spanjë e Francë 41. Franca ka evakuuar më shumë se 16,000 njerëz të kërcënuar nga zjarret në jugperëndim, pasi zjarret u përhapën edhe në Spanjë, Kroaci dhe Greqi.
Edhe në Shqipëri ka mbërritur vala e të nxehtit, ndërsa gjatë ditës së sotme, temperatura maksimale ka arritur në 37 gradë celsius. Ndërsa nuk kanë qenë të pakta rastet e zjarreve në vendin tonë që kanë qëndruar aktive edhe për 5 ditë me radhë si në malin e Çikës dhe ishullin e Sazanit.
Problematikë është më shqetësuese në Zhirondë të Francës, ku pas evakuimit të turistëve, u larguan edhe stafet e kampingjeve.
Në Spanjën jugore, më shumë se 3,200 njerëz u larguan nga zjarret në kodrat Mijas, megjithëse më vonë disa mundën të ktheheshin. Ndërkohë, zjarret e Portugalisë janë vënë nën kontroll për momentin, ndërsa më shumë se 1000 vdekje i janë atribuar vapës në Portugali dhe Spanjë ditët e fundit.
Shërbimi francez i motit ka parashikuar temperatura deri në 41 gradë Celsius, ndërsa priten rekorde të reja. Në Portugali, temperatura kohët e fundit arriti në 47C. Në Mbretërinë e Bashkuar ka një paralajmërim të kuq për nxehtësi ekstreme në të gjithë pjesët e Anglisë, pasi vendi po përgatitet për temperatura rekord të hënën dhe të martën. Të dhënat publike tregojnë se që nga viti 1884, 10 vitet më të nxehta në Mbretërinë e Bashkuar kanë qenë që nga viti 2002.
Nxehtësia ekstreme mund të dëmtojë gjithashtu infrastrukturën, si shkrirja e asfaltit të rrugëve dhe përkulja e linjave hekurudhore. Britania e Madhe mund të ketë ditën e saj më të nxehtë këtë javë, me temperatura që parashikohen të arrijnë deri në 41 gradë. Disa shkolla janë mbyllur herët ose kanë zgjedhur të mos hapen fare megjithëse qeveria ka nxjerrë udhëzime për t'i mbajtur hapur. Gjithashtu trenat kanë anuluar udhëtimet dhe disa vizita në spitale që nuk janë urgjente, janë anuluar.
Sindikatat kërkojnë që punëdhënësit të tregohen të kuptueshëm duke i ofruar punonjësve mundësinë që të mos dalin nga shtëpia, pra të punojnë njësoj si në kohën e pandemisë ose të marrin pushime shtesë për të shmangur mbingarkesën në spitale që mund të vijë si pasojë e të nxehtit.
Në Portugali, zjarret kanë shkatërruar 30,000 hektarë tokë këtë vit, kryesisht në veri. Ky është dëmi më i madh nga zjarri që nga vera e vitit 2017, kur zjarret shkatërruese vranë rreth 100 njerëz.
Lajme të tjera
-
Merr flakë gjithë lagjja në Filipine, digjen mbi 1000 banesa, zhvendosen 8 mijë banorë (VIDEO)
25 Nëntor, 20:35 -
Ylli Pata: Ajo që nuk u pa nga takimi i Edi Ramës në Londër!
25 Nëntor, 18:28
-
Takimi me emigrantët, Majko: Dy ditë në Londrën shqiptare, ka gjithmonë shpresë kur ka njerëz që Atdheun e kanë të parin!
24 Nëntor, 20:07 -
Ersekë/ Flakët shkrumbojnë magazinën me bazë ushqimore, 2 zjarrfikëse në vendngjarje për të shmangur përhapjen e vatrës në banesa (FOTOT)
24 Nëntor, 19:15 -
PD akuzon Ramën për takimin e Londrës: Pasi i dëboi nga Shqipëria, i dhunoi emigrantët në kryeqytetin britanik! Do përgjigjet
24 Nëntor, 19:03 -
Takimi i Ramës në Londër/ Parashikimi i Spahiut për diasporën në Report TV: Maksimumi 6-7% e emigrantëve do votojnë në zgjedhjet e 2025!
24 Nëntor, 15:47 -
Turi me diasporën/ 'Diversantët' e Berishës 'të infiltruar' në takim! Rama: Opozita nxit akte antishqiptare në tokë të huaj! Po motivohen protesta kundër qeverisë
24 Nëntor, 13:55 -
Militantë të Berishës protestojnë kundër Ramës në Londër (VIDEO)
24 Nëntor, 12:59 -
Dronë misteriozë shihen mbi 3 baza amerikane në Britani
24 Nëntor, 07:41 -
Stuhia ‘Bert’ godet Mbretërinë e Bashkuar! Konfirmohet viktima e parë
23 Nëntor, 16:51 -
Fusha e mbetjeve në Vlorë 2 ditë në flakë, tymi mbulon zonën! Banori për Report Tv: Problem i madh, bllokohemi me erën e mbeturinave (VIDEO)
23 Nëntor, 08:29 -
Vlorë/Sërish zjarr në fushën e mbetjeve! Zjarrfikësit në 'luftë' me flakët (VIDEO)
22 Nëntor, 18:31
