POP 5

Lajmet më të lexuara të 5 minutave të fundit

Ekonomi

Valutat, qeveria blen euro,
zhvlerësohet leku në treg

Për disa ditë me rradhë, leku po ndjek një tendencë zhvlerësimi të shpejtë. Euro ka kapërcyer në treg kuotën e 140 lekëve, por një tendencë e tillë është pasqyruar edhe tek të gjitha valutat kryesore.
Valutat, qeveria blen euro,<br />zhvlerësohet leku në treg
TIRANE - Për disa ditë me rradhë, leku po ndjek një tendencë zhvlerësimi të shpejtë. Euro ka kapërcyer në treg kuotën e 140 lekëve, por një tendencë e tillë është pasqyruar edhe tek të gjitha valutat kryesore. Sipas operatorëve të tregut valutor, shkak për këtë ka qenë kërkesa e lartë dhe nga ana tjetër edhe oferta më e limituar e euros.
Ditët e fundit kanë qenë jo vetëm bankat e nivelit të dytë që kanë blerë euro për nevojat e tyre, por mjaft aktive duket se ka qenë edhe qeveria. Kërkesa për euro po qëndron e lartë, nxitur edhe nga një ofertë më e vogël në vend, si pasojë e rënies së vazhdueshme të dërgesave të emigrantëve.

Sipas ekspertëve, nuk është çudi që në ditët në vazhdim euro të arrijë në nivelet e 142 lekëve.

Nga ana tjetër, edhe dollari po regjistron një rivlerësim të pandalshëm kundrejt monedhës vendase, duke iu afruar niveleve të fundvitit të kaluar.

Në tregjet ndërkombëtare, euro ka shënuar vazhdimisht rënie, sidomos pas shpërthimit të krizës në Qipro. Ajo ndodhet tani në nivelin më të ulët të katër muajve kundrejt dollarit, edhe pasi një raport tregoi se industria prodhuese në Gjermani ishte tkurrur këtë muaj, duke theksuar shqetësimet se ekonomia më e madhe e Europës po shfaq shenja bllokimi.

Shkrimi u botua në gazetën Shqiptarja.com (print) 23.03.2103

Redaksia Online
(b.m/shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Netanyahu i drejtohet popullit për armëpushimin në Liban

Netanyahu i drejtohet popullit për armëpushimin në Liban

26 Nëntor, 19:16