Varhelyi: Puna duhet të vazhdojë, është e rëndësishme të bihet dakord për kornizat negociuese me Shqipërinë dhe Maqedoninë e Veriut

Komisioneri Evropian për zgjerimin Olivier Varhelyi, me anë të një postimi në Twitter ka theksuar se puna për miratimin e kornizave negociuese për Shqipërinë dhe Maqedoninë e Veriut do të vazhdon.

“Puna duhet të vazhdojë dhe është e rëndësishme që të bihet dakord për kornizat negociuese me Shqipërinë  dhe Maqedoninë e Veriut sa më shpejt të jetë e mundur në mënyrë që të mbahen sa më parë Konferencat e Para Ndërqeveritare,” tha Varhelyi.

 Ai vazhdoi fjalën e tij duke thënë se të gjithë duhet të vazhdojnë përpjekjet për të zgjidhur çështjet e hapura. Varhelyi garantoi të gjitha palët se është në mbështetje të gjetjes së një zgjidhje.

Ditën e sotme po mbahet një video konferencë e Ministrave të Çështjeve evropiane, ku do të diskutohet edhe për kornizën e negociatave dhe Konferencën e parë Ndërqeveritare.

Lajmi kryesor:

Takimi informal i Ministrave të Çështjeve Europiane/ Gjermania apel BE: Nisni negociatat me Shqipërinë e Maqedoninë e Veriut!

TAG:
• BE
• shqiperi
• integrimi
• Maqedoni e Veriut