Varianti britanik i COVID, deklarata shqetësuese e Johnson: Mund të shoqërohet me një shkallë të lartë vdekshmërie

Varianti britanik i COVID, deklarata shqetësuese e Johnson: Mund të shoqërohet me një shkallë të lartë vdekshmërie

Kryeministri i Britanisë së Madhe, Boris Johnson

Ka ngritur shqetësim deklarata e kryeministrit britanik Boris Johnson se varianti i koronavirusit që u shfaq në këtë vend mund të jetë më vdekjeprurës. Kreu i qeverisë britanike iu referua të dhënave të fundit që vijnë nga ekspertët.

“Përveç përhapjes më shpejt, tani duket se ka disa prova se varianti i ri – varianti që u identifikua për herë të parë në Londër dhe në jug-lindje të vendit- mund të shoqërohet me një shkallë më të lartë të vdekshmërisë. Është kryesisht ndikimi i këtij varianti të ri që spitalet tona janë vënë një presion kaq të fortë” – tha Johnson.

Ekspertët janë duke bërë vlerësime për shkallën e vdekshmërisë së këtij varianti i cili është përhapur tashmë në rreth 50 vende të botës. Ata kanë lënë të kuptohet se niveli i vdekshmërisë është rreth 30% më i lartë ndërsa përhapja shkon deri në 70% më e madhe.

Britania numëron mbi 3.5 milionë të prekur dhe gati 96 mijë viktima. Kompanitë e vaksinave Pfizer dhe Oxford-AstraZeneca thonë se dozat e tyre pritet që të kenë efekt mbi këtë mutacion.

Shqetësimi është se edhe 2 variante të tjera janë shfaqur në Afrikën e Jugut dhe Brazil. Shifrat e pandemisë së 24 orëve të fundit treguan nivele të larta edhe në Gjermani ku jetët e humbura janë arritur mbi 50 mijë.

E.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Arrestimi i Evis Berberit, qeveria emëron Gentian Gjylin në krye të ARRSH

Arrestimi i Evis Berberit, qeveria emëron Gentian Gjylin në krye të ARRSH