POP 5

Lajmet më të lexuara të 5 minutave të fundit

Kultura

Varja e poetit Havzi Nela në film? Nga Eric Roberts te Van Dami, filmi Shqiptar që po bën bujë në Amerikë, Fatmir Bardhoci zbulon gjithçka

Producenti Fatmir Bardhoci ka rrëfyer ekskluzivisht për emisionin “N’kohë” me gazetarin Ermal Qori, të gjitha prapaskenat e projektit filmik ‘Mundije’. 

TIRANË- Producenti Fatmir Bardhoci ka rrëfyer ekskluzivisht për emisionin “N’kohë” me gazetarin Ermal Qori, të gjitha prapaskenat e projektit filmik ‘Mundije’.  Sipas tij, në Hollywood do të flitet shqip, pasi pjesë e këtij projekti janë disa nga aktorët më të njohur ndërkombëtar, historia e të cilit po bën bujë në SHBA, për shkak së në të po trajtohen ngjarjet më të veçanta që kanë ndodhur në Shqipëri. Bardhoci u shpreh se në film do të përfshihet edhe skena e varjes së poetit Havzi Nela, një ngjarje që e ka parë kur ishte 14 vjeç.

“Do veçoja një ndër ngjarjet që ka ndikuar në karakterin tim, është një ngjarje historike reale, ka të bëj me dramën që e ndjek këtë shoqëri edhe në ditët e sotme, ngjarja e varjes së poetit Havzi Nela. Unë kam qenë 14 vjeç kur e kam parë skenën, isha nxënës shkolle, e kemi xhiruar ashtu siç ka ndodhur, fëmijët dhe populli që e shikonin”-tha Bardhoci.

Sipas Bardhocit filmi promovon më së miri Shqipërinë.

“Ka tw bëj me origjinën e këtij sporti që vjen nga pellazgjia. Të gjitha faktet, të dhënat çojnë që ky sport ka ekzistuar para Lojërave olimpike, madje ka themeluar Lojërat Olimpike  e kësaj teme i bëjmë jehon, nxjerrim lidhjen e  këtij sporti luftarak që në kohën e pellazgjisë. Është një dramë, aksion, flitet për gjenocidin në Çamëri, shqiptarët që janë protagonist në shpëtimin  e Hebrenjve, ngjarje që bota nuk i njeh. Nxjerrim në pah vlerat e Shqipërisë ndër vite, edhe si është Shqipëria sot, një promovim maksimal të vendit tonë, bota duhet ta njoh ndaj duam ta shfaqim në kinemat ndërkombëtare”, tha ai.

Në cilësinë e producentit, Bardhoci sqaron për Report Tv të vërtetën e pjesëmarrjes në film të aktorit të njohur Belg, Jean Clode Van Damme.

“Pjesë e projektit ishte edhe plan B që të kishim edhe Van Damin në film, por për disa arsye nuk u arrit, përfshirë edhe arsye të buxhetit, por edhe diçka”-tha ai.

Në përfundim Bardhoci shprehet se në këtë projekt nuk ka marrë asnjë mbështetja nga qendra e filmit në Shqipëri, edhe pse pjesë e kastit janë disa nga aktorët më të njohur botëror, përfshirë Eric Roberts. Premiera e filmti pritet të mbahet së shpejti në Amerikë e më pas në Shqipëri.

B.K./K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Perëndimi: Vendimet e Parlamentit të Republikës Sërpska kërcënojnë rendin kushtetues të Bosnjës

Perëndimi: Vendimet e Parlamentit të Republikës Sërpska kërcënojnë rendin kushtetues të Bosnjës

25 Dhjetor, 15:03