Vasili: Dosjet, qeveria me projektligj
interesant,plotësojmë vendet në KQZ

Deputeti i LSI-së, Petrit Vasili, njëherësh dhe kreu i Grupit Parlamentar të kësaj force politike ka thënë se projekt-ligji që ka qeveria për hapjen e dosjeve është interesant. Në studion e A1 Report, Vasili tha se ky ligj është diskutuar.
 
Sa i përket projekt-ligjit tjetër të depozituar nga deputetja e PD, Mesila Doda, deputeti i PDIU, Shpëtim Idrizi dhe shoqëria civile, ai tha se detyrimi që ka Parlamenti është ta shqyrtojë dhe pastaj duke parë përmbajtjen, të merret një vendim.
 
Sa i përket këtij sesioni parlamentar, deputeti i LSI-së tha se prioritare është reforma në drejtësi. “Është një reformë e komplikuar, duket të kthejmë besimin e qytetarëve. Çdo ditë që nuk bëjmë hapa përpara në drejtësi, është humje shumë e madhe për qytetarët”, deklaroi Vasili.
 
Kreu i Grupit Parlamentar i LSI-së tha se shumë shpejt do të plotësohen vendet bosh të KQZ. “Shumë shpejt do plotësohen vendet në Komisionin Qëndror të Zgjedhjeve. Duhet që KQZ të jetë e plotë për zgjedhjet dhe të garantojë zgjedhje të mira. Është shtruar në tavolinë për tu zgjidhur, për kandidaturat do zgjedhim pas dikutimeve”, deklaroi Vasili.
 
Sipas tij është e paqartë se si do të bëhet procesi i dekriminalizimit. Ai tha për këtë çështje ka sensibilitet, por dhe në rezolutën e miratuar nuk ka një mënyrë se si do të bëhet. Lidhur me akuzat e fundit të PD-së për laboratorin e kokainës, Vasili tha se koha e akuzave dhe hamendimeve politike ka kaluar. “Nëse ka fakte ka vetëm  një vend, ky vend është prokuroria që ka detyrën t’i shqyrtojë”, deklaroi Vasili. 



Redaksia Online
(g.f/Shqiptarja.com)

TAG:
• kqz