POP 5

Lajmet më të lexuara të 5 minutave të fundit

Politikë

Vasili: Me PD-në nuk dështuam,
me PS-në po ngjizim programet

Deputeti i LSI-së, Petrit Vasili, ishte i ftuar sonte në studion e "Airport" të "A1Report!" për të dhënë gjykimin e tij lidhur me qeverisjen e LSI-së me PS-në. Ai tha: "Jemi në momentin e ngjizjes së programeve tona elektorale dhe ky është më i rëndësishmi."
TIRANE - Deputeti i LSI-së, Petrit Vasili, ishte i ftuar sonte në studion e "Airport" të "A1Report!" për të dhënë gjykimin e tij lidhur me qeverisjen e LSI-së me PS-në.

Ai tha:  "Bashkëpunimi në qeverisje është një element i natyrshëm", - tha ai. - "Sasia, raportet, numrat është një problem që në këtë moment nuk ka ndonjë rëndësi, sepse rëndësi ka çështja e programit, ndërtimi i një programi solid dhe të realizueshëm. Ky është momenti i ngjizjes së programeve elektorale tonat dhe ky është më i rëndësishmi."

Pyetjes nëse kanë dështuar në qeverisjen me PD-në, Vasili iu përgjigj: “Nuk kemi dështuar në asgjë dhe kemi frenuar veprime ekstreme. Kemi imponuar dialog politik dhe ulje në tavolinë.

Falenderimin personal të Edi Ramës në festën e krijimit dhe fitores së PS-së, drejtuar Ilir Metës, Vasili e konsideroi mëse normal, pasi “në këtë aksion politik, PS e bëri shumë mirë punën e saj, kurse LSI-ja e bëri shkëlqyeshëm.”

Përsa i përket çertifikimit të zgjedhjeve, Vasili tha se "do të bëhet nga Kolegji Zgjedhor, pasi nuk bëhet fjalë për rikthim të komisionerëve të LSI-së në KQZ, pasi Kuvendi e çoi situatën në një pikë kritike. KQZ-ja duhet riformartuar,”- theksoi ai.  

Redaksia online
(ar.sh/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Aksident i rëndë në Lezhë, ‘Audi’ humb kontrollin dhe merr para 5 mjete të parkuara! Plagoset drejtuesi

Aksident i rëndë në Lezhë, ‘Audi’ humb kontrollin dhe merr para 5 mjete të parkuara! Plagoset drejtuesi

11 Janar, 07:40