Vasili: Në zgjedhjet e 2017, LSI 
dhe PS sërish në një koalicion

Kreu i grupit parlamentar të Lëvizjes Socialiste për Integrim, Petrit Vasili shprehet pa asnjë hezitim se LSI dhe PS do të jenë një  koalicion në zgjedhjet e ardhshme parlamentare. Sekretari i Përgjithshëm i LSI-së në një intervistë në emisionin “5 pyetje nga Babaramo” flet dhe për takimin Rama-Meta të mbajtur këtë javë. Vasili shprehet se mes dy partive kryesore të koalicionit qeverisë nuk ka asnjë debat dhe se ky takim është zhvilluar për të diskutuar mbi reformën në drejtësi dhe procesin e dekriminalizimit.
 
 
Dy bashkëqeverisësit e koalicionit këtë fundjavë u larguar nga Tiranë, z. Meta për në Uashington ndërsa Rama në kuadrin e diplomacisë ekonomike në Kinë, por pak orë para se të niseshin ata duket se u takuan, takim me ngut (le të bëjmë një marrëveshje fjale) për të sqaruar disa gjëra që ishin pezull. Kush e kërkoi takimin që u zhvillua në një nga rezidencat qeveritare?
 
Po besoj edhe për transparencë të publikut, ka qenë një takim që quhet grupi koordinativ i mazhorancës, i cili kishte objektiv diskutimin e agjendës politike të momentit.
 
Sa kohë kishte pa u mbledhur ky grup pune?
 
Është mbledhur në mënyrë sistematike me thënë të drejtën edhe pas zgjedhjeve të 21 qershorit dhe herë pas herë,. Është një format që funksison që me krijimin e aleancës, që unë e kam gjetur një format shumë pozitiv. Një format që nuk ka ekzistuar në mazhorancat e mëparshme dhe për mua është një zgjidhje pozitive. Se ka një koordinim të mirë të qëndrimeve dhe pozicionimeve. Sepse bëhet fjalë për qëndrimet delikate në raport me opozitën dhe jo brenda vetes. Qëndrimet e koordinuara i bëjnë mirë mazhorancës me seriozitetin e saj dhe asaj që demonstron në raport me publikun. Takimi për të cilin ju pyesni kishte këtë format dhe në mënyrë të veçantë ishte i fokusuar tek një zhvillimi i rëndësishëm siç është reforma në drejtësi. Sepse ne diskutuam edhe për dekriminalzimin, por ky proces ka bërë mjaft rrugë në krahasim në reformën në drejtësi. Bashkë ndamë dhe opinioni që z. Xhafa të mos ishte i pranishëm në seancën dëgjimore në Komisioni e Venecias në mënyrë që ta politizojmë sa më pak këtë reformë. Për mua është një qëndrim korrekt.
 
Në këtë takim u fol vetëm për reformën në drejtësi?
 
Po pikërisht dhe absolutisht asgjë tjetër. Këtu nuk është se unë po bëj misteriozin që ne kemi bërë ca gjëra tjera dhe unë po fsheh takimin. Takimi ishte i fokusuar në këtë çështje dhe unë besoj se kjo çështje është kaq e madhe sa qoi superon të gjitha çështjet e tjera.
 
Vetëm mos prania e z. Xhafaj u vendos?
 
Jo, absolutisht të jemi korrekt. Një nga argumentet madhore ishte cila është axhenda që duhet të ndjekim.
 
Cila është kjo axhendë?
 
Në radhë të parë duhet të kemi një qëndrim të qartë dhe unifikues për ndryshimet kushtetuese dhe ndryshimi i ligjeve që do të pasojën, janë një mori ligjesh. Janë ata që jetësojnë reformën në drejtësi.
 
Cili është stadi i marrëdhënieve mes dy bashkëkryetarëve, qostë dhe mes dy partive përtej marrëdhënies institucionale, ka një ftohje?
 
Unë nuk.. e para e punës nuk është në mënyrën e time të prononcuarit politik. Është në syrin e publikut që ne bashkëndajmë një front impenjimi politik shumë të rëndësishëm, jo vetëm për reformat që ne përballemi por edhe për shumë ballafaqime të tjera që ne kemi edhe me opozitën, jo konfliktualiteti por ballafaqimi idesh. Ju e keni ndjekur kemi qëndrim sinkron që përvijohet të jetë i tillë edhe në momente të rëndësishme. Dhe besoj se testi i një funksionimi politik është këtu dhe nuk mund ta kërkojmë gjëkundi tjetër.
 
Pikërisht je ta kërkojmë diku tjetër... kur shpërtheu çështja e CEZ-it tonet e përfaqësuesve të LSI dhe PS nuk ishin fort të këndshme në funksion të koalicionit, çfarë ka ndryshuar që edhe ju po konstatoj keni zbutur shumë tonet në raport me Ramën dhe PS?

 
Po ne nuk kemi bërë në asnjërës dhe nuk kemi pasur asnjë përplasje jo me Ramën por absolutisht dhe me PS. Kemi ndarë të njëjtat shqetësime, kemi pasur diskutime për projektligje të ndryshme për përmirësimin e tyre. Kanë qenë diskutime që një maxhorancë i bën në mënyrë të zakonshme. Një nga kualitetet që maxhoranca mund të krenohet është se procesi i legjislacionit ne e superojmë duke pasur një marrëdhënie aktive qeveri-parlament. Kjo ka qenë e gjitha, ju nuk më citoni dot asnjë qëndrim publik që ka qenë në ofensivë. Ka qenë një diskutim për ligjin e tatimeve, ku thuhej se në momentin që nuk merr kuptonin tatimor keni të drejtë të mos paguani. Kemi arritur një dakordësi në parlament.
 
Shumë përfaqësues të PS, kryesisht por edhe të LSI, kanë rënë dëshmorë nga zjarri miqësor i aleatëve në zgjedhjet e qarqeve, në Lezhë, Dibër, Gjirokastër, ku përfaqësuesit nuk janë zgjedhur sipas formulës që parakuptonte koalicioni...
 
Po ne kishim një test që ishte i qenësishëm dhe kapilar sepse në të gjithë territorin menjëherë pas zgjedhjeve 21 qershorit përvijoi procesi i zgjedhjes së këshillave, aksioni i parë i madh i koordinuar politik që në gjykimin tim përmbushi pritshmëritë e maxhorancës. Kjo ishte një provë që maxhoranca arriti të kaloi zgjedhjet së bashku, që ishin zgjedhje delikate dhe po së bashku arriti  me të njëjtin sinkron në tërësinë e tij pushtetin lokal në të gjithë territorin. E gjitha kjo është një sfidë e fituar e cila flet në favor të një funksioni pozitiv të mazhoracnës. Ndonjë votë lokale apo papjekuri nuk do të thotë se çdo gjë nuk ecën ën shtratin duhur.
 
Rama thotë se Meta asnjëherë nuk i ka kërkuar ndryshime në qeveri, e konfirmoni?
 
Besoj kryetari i LSI ka qenë i qartë në deklaratat e tij të një pasnjëshme. Opinioni shqiptar dhe media shqiptar ka një kërshëri që të flitet me emra, por qeverisja matet me arritje e saj. S’besoj se nesër në 2017 nuk do të themi që ne patëm këtë ministër apo atë ministër, që shkëlqyen, por qeverisja pati defekte në tërësinë e saj. Nuk mund të themi kështu, do të themi që qeverisja në tërësinë e saj prodhoi këtë aksione të mëdha dhe në bazë të saj do të kërkojë edhe votën. Kjo është fryma që Ilir Meta ka përçuar në komunikimin e tij. Impulse të do të thotë mos të kënaqemi me asnjë nga këto që kemi arritur. Publiku pret shumë, votimi i një pas njëshme me 1 milionë vota është një detyrim. Ky ka qenë konteksti dhe logjika dhe mënyrë e shprehjes. Tani kolegët e tua të medies çdo metafore i japin një emër nga pas edhe media është korrekt në punën e saj mund ta bëjë.
 
Mbaj mend kur Ilir Meta ka qenë kryeministër motivi kur ndërronte ministrat dhe për hir të së vërtetës i ndërronte shpesh dhe motiv ishte impulse të reja.
 
Jam i lumtur që ma pamendet këtë moment. Ju e kujtoni që z. Meta në mandatin e tij kryeministror kujtohet si një kryeministër që i dha një impuls infrastrukturës shqiptare dhe unë vë bast që në përjashtim timin tuaj që jeni profesionist i medias, publiku shqiptar nuk i kujton ministrat që kanë drejtuar në atë kohë. Dihet që në kohën e Metës nga infrastrukturë primitive u futëm në një infrastrukturë moderne. Sot flasim për administratë publike dhe të parin aplikim të fortë dhe impuls është dhënë në kohën e Ilir Metës.
 
Folët për një bilanc që duhet të keni në zgjedhjet e 2017 dhe latë të kuptohet se do të jeni sërish në koalicion.
 
Ne jemi një skuadër që formon një mazhorancë shumë të madhe. Mazhoranca që në dimensionin e saj është realizuar vetëm në zgjedhje dramatike në 1992 apo 1997. Mazhorancë që realizohet në një proces normal kaq të madhe nuk kemi pasur. Si e tillë ka impenjime të mëdha dhe të përgatitet për të hyrë në zgjedhje.  Kjo frymë na çon në 2017.
 
Pra edhe në zgjedhjet e 2017 do të jeni bashkë?
 
Ne bashkëndajmë me socialiste të njëjtat probleme.
 
Rama nuk shprehet më që ky koalicion që është si një shqiponjë me dy koka, por shprrhet se ka edhe probleme. Cilat janë këto probleme?
 
Unë që të jem korrekt me ju kam dëgjuar vetëm një qëndrim konstruktiv dhe të bindur të Ramës tek një aleancë që ai beson dhe ka mbështetur të gjithë peshën madhe të qeverisjes. Në asnjë deklarim, të tij publik nuk ka lënë që të kuptojë që ka probleme me mazhorancën. Rama ka qenë dekurajues në drejtim të kësaj hullie, përgjithësisht dhe media shqiptare është përpjekur të intrigojë.
 
Në fakt atij i intereson që të mos ketë problem me partinë që i mundëson krijimin e shumicës se prej tre zgjedhjesh reshtë LSI është kingmaker. Po ju si LSI a jeni të kënaqur me Ramën dhe PS? A është korrekt në mënyrën e funksionimit të koalicionit apo jo?
 
Ne kemi përgjegjësi reciproke në koalicion që i bashkëndajmë. Unë kam folur shpesh që koalicioni është një skuadër e madhe ku ka vetëm një fanellë, nuk ekzistojnë dy fanella brenda qeverisë. Unë e konceptoj në këtë mënyrë dhe LSI sillet në këtë mënyrë sepse nuk besoj se jemi aty që të themi që qeveria funksionon mirë këtu se është merita e LSI apo meritë e PS.
 
Në seancën e fundit parlamentare kamerat konstatuan se kur fliste z. Rama nuk ishte në sallë kryetari i Kuvendit, asnjë nga ministrat e LSI dhe asnjë nga deputetët. Rastësi?
 
Jo, është raportim jo korrekt i medias shqiptare. Është në natyrën e saj ta bëjë këtë gjë.
 
Ju vetë ishit kur foli z. Rama?
 
Unë nuk kam qenë në atë moment sepse njëkohësisht, ju duhet ta dini, që në Kuvendin e Shqipërisë ndodh që ka edhe mbledhje të komisioneve të caktuara që shfrytëzojnë këtë kohë për të fituar kohë. Meta ka qenë në takim me z. Flekenshtejnë dhe në sallë ka pasur dhe deputetë të LSI-së. I kam ftuar dje në një konferencë shtypi që të kthejnë kamerat, ka qenë z. Braho ka qenë një deputete tjetër që priste të fliste. Besoj se ishte një humor që erdhi nga opozita. Besoj që në thatësinë e madhe argumenteve u përpoq që të stisej si i tillë. Ishte i varfër në argument dhe pa krikë si humor.
 
Vota juaj në Kuvend është e pakushtëzuar, do votoni çdo projekt që vjen nga qeveria?
 
Sigurisht që në momentin që projektet vijnë në Kuvend ato do të votohen sepse i gjithë diskutimi i tyre është në komision. Pas debateve atje gjenden dhe dakordësitë. Salla nuk duhet të jetë më vendi i diskutimeve të mëtejshëm. Gjithçka duhet të konsumohet tek komisionet.
 
Postimi i fundit në Facebook i ish-kryeministrit Berisha është që ne i kemi kërkuar Ramës, të largohet, dmth, të kryejë ndryshimet në qeveri, ose në të kundërt nëqoftëse nuk i kryen duhet të largohet vetë. A vazhdon Berisha të jetë një nga njerëzit më të informuar në Shqipëri?
 
Druaj që në këtë rast, zoti Berisha ka informacion të plotë, por besoj që është një nga rastet që provoi se krahas informacionit të saktë mund të kesh edhe informacion të gabuar. Ky besoj që është një info i gabuar dhe duhet që ta ketë dezinformuar me qëllim Berisha.
 
Unë kam përshtypjen nga pjesa e parë e bisedës kur ju flisnit me aq nostalgji për qeverisjen e socialistëve kur ishte kryeministër Meta. Kam përshtypjen se po projektohet një kthim i Metës në krye të qeverisë?
 
Së pari me mirëkuptimin tuaj, nostalgjia nuk është pjesë në përgjithësi e mënyrës se si unë flas politikisht, sepse nostalgjitë gjithnjë të çojnë në rrugë të gabuar. Ky ishte vlerësim shumë i ftohtë i disa momenteve kyç që shënuan në atë qeverisje ku besoj impulset e mëdha, meqënëse jemi në kohën dhe metafora e impulsive është përdorur dhe keqpërdorur sa s’ka ku të vejë më, tregon qartë se çdo të thotë impulse të mëdha për qeverisjen. Ju kujtoni që në atë kohë kishim 4 km autostradë  të famshme dhe pastaj të gjithë ne filluan të na hapeshin mushkëritë tona infrastrukturore, të kuptonim që Shqopëria ishte e arritshme falë një veprimi dhe ritmi veprimi ekzekutiv të paparë asnjëherë. Asnjë nuk më thotë dot dhe unë e sfidoj dhe mund të më thotë që drejtimi i qeverisë shiptare kishte atë ritëm, kishte rezultate të  prekshme të cilat, ju kujtoni zgjedhjet e 2001 ku PS nga 100 mandate fitoi 74 mandate. Një dimension i paarritur dhe sot. Fituan falë asaj sepse qytetarët panë që qeverisja për herë të parë mund të kishte rritje të jashtëzakonshme. Vlerësimi im i ftohtë është ky që gjithmonë qeverisjet duhet të nisen nga këto lloj impulsesh dhe të maten me rezultate të prekshme dhe të qarta për qytetarët. E përmeda atë sepse dhe aksione shumë të vështira edhe të asaj që është strukturimi i shtetit. Ligji dhe aplikimi për herë të parë i administratës publike që u aplikua në atë kohë. Eci paralelisht me infrastrukturën, paralelisht në marrëdhëniet me ndërkombëtarët, dhe implementimi i ligjit për administratën do të thotë që një qeverisje që ecën me shpëjtësi të madhe në shumë shina dhe prodhon rezultate në shumë shina. Pikërisht ky ritëm, mosndalje përpara asnjë lloj sfide ishte ajo që shënjoi Ilir Metën si politikan dhe si shtetar. Në këtë pikëpamje, jo nostalgjia por  gjykimi i ftohtë që qeverisjet janë të mëdha, janë frymëzuese kur kanë rezultare.

Kjo qeveri ka rezultate?

Sigurisht që edhe kjo qeveri është përballuar me sfida të paprekura në kohë. Kështu ishte aksioni për energjinë elektrike, ne të gjithë ishim pajtuar me faktin që energjia nuk paguhet. Kemi rënë në vullgaritetin që rëndëi ka të kemi drita por jo sa qindra milionë euro dalin nga xhepat tonë që mund të përdoren për gjëra të tjera. Pati një përballje të qeverisë e cila iu qas këtij problemi. Një njeri që merret me qeverinë e vendit , dhe që i njeh cilat janë ekuilibrat buxhetorë, duhet të ndjehet  i lumtur që një ngarkesë e madhe, që paguante dhjetra milionë euro për të blerë enegji, sot nuk janë një barrë e madhe për shtetin.
Po kështu raporti, përballja me problemet e mëdha në luftën kundra drogës. Ka rrëzuar tabutë e jashtëzakonshme për zonat e paprekshme, të njerëzve të paprekshëm. Edhe aksioni i fundit për informalitetin është një qasje drejt një qëndrimi edhe shumë të rëndësishëm nga pikëmapmja ekonomike por edhe një sjellje europiane. Elemente të tilla që shënojnë profilin e një maxhorance kanë ndodhur. Kurajo për t’u përballur me to ka qenë e lavdërueshme. Fakti që të kesh një kurajo politike për t’u përballur flet veçse mirë për qeverisjen.
 
Në një mbledhje që u zhvillua mes drejtuesve të koalicionit të premten u fol për punën e qeverisë? Si ka funksionuar?
 
Jo, u thashë që qeverisja në një mënyrë a tjetër është gjithmonë në sytë tanë për arsye që ajo prodhon nisma ligjore që përfshijnën të gjithë sektorët e saj dhe pikërisht në këtë sfond shpesh herë diskutohet dhe për probleme të caktuara edhe në parlament dhe komisonet e posaçme. Për mua 2 probleme madhore si dekriminalizmi dhe reforma në drejtësi ishin fokusi i këtij takimi sepse ju e dini që duke qenë një kusht i pakapërcyeshëm për integrimin e Shqipërisë në BE, është një nga 5 kushtet dhe do thosha që ky është më i rëndësishmi. Është thënë që pa një reform të mmirë në drejtësi hapja e negociatave është thuajse e pamundur.
 
Cilat sektorë kanë nëvojë më shumë për impuls të ri?
 
Nuk e kam të detajuar analizën e çdo detaji të qeverisjes, në pozicionin që unë kam unë bëj një vlerësim më makroekonomik dhe jo specific sepse monitorimi i përditshëm si detyrë dhe kushtetuese është e kryeministrit i cili ka tagrin dhe është ai që kontrollohet nga parlamenti. Atje ku ai kërkon të japë impulse të reja është në gjykimin e tij dhe kurdo që ai kërkon në nismat e tij ligjore mbështetjen e parlamentit ne jemi aty për t’ia dhënë në mënyrë që në analizë të fundit ne të kemi një përmbushje të plotë të atij prgrami për të cilin jemi vetëbesuar. Fushat ku ai do donte janë pjesë e analizës së tij, ne kemi parë që ai ka qenë aktiv në të gjitha aktivitet e mëdha që bën qeveria dhe besoj që ai  edhe nëse ka rezerva, ai i bën ato sepse është e qartë se nuk është fushë me lule qeverisja. Vlerësuesi më i mirë dhe që ka kompetencen për ta bërë këtë punë e ka vetëm Edi Rama.
 
Pra ai duhet të vendosi nëse duhet bërë apo jo një gjë e tillë.
 
Sigurisht që po sepse nqoftëse ai do të kishte një konstatim të tillë ai do jepte dhe motivet për këtë gjë.
 
Gjthsesi dhe ju jeni vëzhgues të qeverisë...
 
Unë nuk kam një opinion të selektivizuar për fushën. Interesimi im ka qenë çfarë fryme inspiron qeverisja në përgjithësi dhe reformat madhore të cilat shënjojnë një qeverisje, a ecin apo jo në ritmin e duhur. Përditshmënrinë e dikastereve as nuk kam mundësi ta ndjek as nuk kam pse ta ndjek.
 
Nëqoftëse shikojmë në një perspektivë të shkurtër gjatë 2 muajve të fundit, dinamikën e marrëdhënieve mes PS dhe LSI deri në këtë moment, kur ju flisni për një koalicion që është perfekt…?
 
Një koalicion që funksionon se perfeksioni nuk ekziston.
 
Keni një luhatje kaq të madhe qëndrimi sa mua më lind një perceptim i tillë që ndoshta Rama ka kërkuar që mos më bëni publikisht kërkesë për ndryshime në qeveri sepse duket sikur kur t’i bëj do t’i bëj nënpresion.
 
Rama as ka lënë të kuppohet as nuk ka kërkuar një gjë të tillë. Unë nuk e kam as në natyrën si person as politikan cilësinë të pohojë që kjo s'ka ndodhur. Diskutimi ynë ka qenë që kemi disa çështje të mëdha siç janë këto dy të fundit që ne diskutuam sepse ju nuk mund ta mohoni dot që debati për dekriminalizmin ka qenë shumë i ashpër, dhe me dimensione që ka kaluar përtej diskutimeve politike.
 
Debati mes kujt?
 
Mes maxhorancës dhe opozitës. Dhe kjo çështje duam apo s’duam ka lënë shenjë jopozitive tek ndërkombëtarët. Kjo çështje na ka thithur mjaft energji dhe kërkon qëndrim të koordinuar të maxhorancës. Po kështu edhe reforma në drejtësi.
 
Për të dyja ju keni thënë që duhet të aprovohen me konsensus , nëse  PD nuk jep konsensus ju si do votoni?
 
Në kemi inspiruar dhe vazhdojmë të inspirojmë idenë  që të eksplorohet çdo hapësirë edhe ajo më minimaliste për consensus. Arsyeja është një: të ndërtojmë një reformë që të jetojë në kohë, të mos jetë e atakueshme nga alternimi i maxhorancave. Nqs do kishin një reformë e cila atakohej lehtësisht nga çdo ndryshim polotikë që bëhet atëherë skemi bërë asgjë. Sa më i gjerë mirëkuptimi aq më solide reforma.
 
Mirëkuptim nuk ka, në Venecia kanë shkuar dy projekte, ju cilin do mbështesni?
 
Kanë shkuar këndvështrime të caktuara nuk është thjesht projekte. Ka ndryshime kushtetuese më të detajuara dhe më minimaliste , pra do të thotë më parimore dhe pastaj të zbërthehet. Opozita ka kërkuar për ligjin e dekriminalizimit 14 ndryshime, të cilat fare mirë duke ruajtur thelbin mun të ishin lënë vetëm një ose 2 ligje parimore të cilat hapnin rrugë dhe pastaj ligjet tjera zbërthejnë në mënyrë konkrete se ku duam të ecim. Në këtë pikëpamje ne bashkëndajmë me opozitën të njëjtin sensibilitet, kemi rënë dakort. Ju e kujtoni marrëveshjen e 24 dhjetorit. Unë e kam ndjekur këtë çështje dhe mund t’ju them që duke qenë një sensibilitet i tërë kultivimi i arritjes së konsensusit është shumë i rëndësishëm jo për sot por për të ardhmen e politikës shqiptare. Politika shqiptare duhet të largohet nga model i konfrontimit për çdo çështje sepse është një model që koha e ka lënë pas. Çështja jonë parimore është kjo. Ka çështje të mëdha ku jemi të imponuar të merremi vesh. Ka çështje ku ndahemi diametralisht.
 
Opozita këmbëngul tek dekriminalizmi, psh tek kryerja e testit të drogës, ose tek marrja e gjurmëve të gishtërinjve.
 
Besoj, di nga informacionet që kam se ka një mirëkuptim pothujase të plotë me çështjen e gjurmëve të gishtërinjve, të cilën unë nuk e kam gjetur një kërkesë kaq të qënësishme të opozitës, për arsye se qytetari lir Babaramo apo petrit Vasili kanë depozituar në çdo dokument identiteti gjurmën e gishtërinjve.
Testi i drogës. Nuk e di cfarë nënkupton dhe cfarë zgjidh ky test. Kur më kanë pyetur një vit më parë a do ta bëni testin e drogës, po kam thënë, por nuk di politikisht si e ndihmon procesin kjo. A ka një model të ngjashëm europian ? Unë dëgjova një prononcim të Fleckenstein që tha kjo është një kërkesë pa logjikë. Dhe kur të kemi zgjidhur procesin e dekriminalizmit, si do përjashtohet, ky dhe të mendojmë se do na rrezikohet mirëkuptimi për gjurmët e gishtave dhe testin e drogës, kjo më duket paradoksale.
 
Javën e kaluar presidenti Nishani u shpreh i shqetësuar se reforma në drejtësi ka mungesë të theksuar transparence dhe nuk janë dëgjuar akdemikët, pedagogët, profesorët?
 
Unë nuk kam qenë kurrë, dhe po të kisha qenë do kishit cituar në mënyrë të pamëshirshme deklarimet e mia. Kam qenë nga ata që ka inspiruar idenë që çdo sugjerim ngadoqë vjen duhet dëgjuar më qetësi dhe do marrë çfarë ka racionale, përfshirë këtu edhe presidentin. Nuk ka pse të jemi të ngarkuar emocionalisht për t’i thënë jo çdo gjëje. Besoj që procesi ka qenë në fryëmn që të jemi objektiv, jo për të mbrojtur një produkt në të cillin maxhoranca ka patur lidership, por ju e dini që edhe më sëfundi, në një momentë shumë delikat siç është prezantimi në Venecia shkohet nga figura për të cilat nuk kam dëgjuar asnjë konstatim nga askush. Ai grup ekspertësh është një grup që i bën nder Shqipërisë. Ky produkt që vete atje nuk ka dal nga ky grup që ka shkruar atje por është produkt i një numri të madh ekspertësh që janë konsultuar sistematikisht nga komisoni ad hoc që është ngritur për këtë çështje. Mendoj që të qenit konkretë është shumë më mirë se sa qëndrimi në një pozicion të larguar dhe duke bërë kritizerin e ashpër. Është një drejtësi e cila vuan, ka mosbesim mbarë popullor. Presidenti është në krye të KLD, po të kisha qenë në vendin e tij duke njohur sensin konstruktiv që ai ka do të propozoja në mënyrë konkrete. Duhet të përfshihet edhe filani, duhet të bëhet konsultimi edhe me këtë. Megjithatë përsëri është propozuar një gjë që u diskutua edhe në takimin e fundit, për të pasur më tej një agjendë të një diksutimi të gjerë me shoqërinë civile. Dhe mbasi të konsumohet ky proces, të ketë një përfshirje shumë të gjerë. Fryma për të qenë të hapur është maksimaliste. Gjëja që do thoja dhe këtu jam gati t’i sfidoj të gjithë, jo presidentin sepse atë nuk e sfidoj asnjëherë. Kam respekt të plotë për të. Ne kemi bërë ndryshime shumë të rëndësishme, jo ne por të tjerë. Në vitin 2008 ka qenë transparent ky proces, ka qenë i hapur? Të gjithë ata që kritikojnë sot, mos kanë qenë votues të djeshëm në 2008?
 
Basha sëfundi gjatë këtij muaji i ka zbutur shumë tonet me Ilir Metën dhe LSI-në? Ndoshta ka kuptuar se në pushtet  vihet vetëm nëqoftëse ke Ilir Metën në koalicion?
 
Pyetje më të vështirë nuk më ka ndodhur në kaq vite politikë sepse më duhet të lëvis nga politika në psikanalizë. Unë e kam shumë të pamundur të interpretoj dhe inkoherencat dhe ndryshimet e humorit të kryetarit formal të maxhorancës. Mendoj që sot fokusi është që shqiptarët presin që opozita duhet ta bëjë seriozisht punën e saj.
 
Mendoni që këtu kemi të bëjmë me diçka të ndërtuar mbi ëndrrën, në kohën kur folët për shefin e opozitës?
 
Unë s’para i kam shumë dëshirë tek shenjat zodiakale, por me shenjë jam demi që më bën të jem me këmbë në tokë. Nuk u bëj shërbim ëndrrave, kush u bën mbetet në gjumë.
 
Duke folur, se keni dy përvoja bashkëqeverisje me PD dhe PS. Ku jeni ndjerë më komod?
 
Më komod ndihem sot për një arsye shumë të thjeshtë. Të habitatit ideologjikë dhe programor. Jemi parti  e majtë. Kemi patur një histori shumë të rëndësishme me të majtën. Ilir Meta një histori impresionante, me të tjerat një histori shumë më modeste dhe qenia në habitatin tënd është një ndjesi shumë më positive. Cili është dimensioni në lidhje me qeverisjen? Të dyja, po këtë dimesion mund ta konfirmojë. Është dimensioni i të qënit korrekt, me të cilin nuk kemi bërë kompromis as në atë maxhorancë as në këtë maxhorancë. Të qenit korrekt dhe luajal na ndjek në të dyja maxhorancat.
 
 
Redaksia Online
(f.c/u.s/shqiptarja.com)
 

TAG:
• OSBE