Vazhdon alarmi në Delvinë, Finiq e Tropojë, zjarrfikësit po luftojnë me pompa krahu , banorët do të evakuohen vetë (VIDEO)

Situata alarmante e zjarreve në zonën e Delvinës dhe Finiqit vijon  prej 5 ditësh. Gjatë ditës së djeshme në fshatin Kardhikaq janë djegur 2 shtëpi dhe disa godina pa funksion, të cilat kanë qenë që në kohën e kooperativave.

Aktualisht aktive janë disa vatra në shpatin e malit Sopot,ku  zjarrfikësit shprehen se për shkak të terrenit po i luftojnë me pompa krahu, pasi nuk mund të depërtojnë në zonë.

Kujtojmë që situata në jug ka qenë alarmante këto ditë. Kjo ka bërë që pala shqiptare dje i kërkoi ndihmë Greqisë, e cila u përgjigj pozitivisht, ndërsa pritet mbërritja e forcave greke dhe mjeteve të tyre për të ndihmuar Shqipërinë për shuarjen e flakëve.

Gjithashtu edhe në Tropojë është krijuar një situatë emergjente, ku  zjarret po djegin qindra hektarë pyje , Situata ka dalë jashtë kontrollit dhe po rrezikohen dhe banesat e disa fshatrave në komunat Tropojë dhe Bytyç. Sipas banorëve ata do të vetë evakuohen pasi flakët po afrohen drejt banesave.

Fshatrat e rrezikuara janë Lugu i Tropojes ,Zherkë, Pac dhe zonat për rreth tyre. Janë lajmeruar organet përkatëse si Bashkia dhe policia pyjore, por  nuk është marrë asnjë masë për parandalimin e zjarreve që kanë përfshirë zonën. Sipas gazetarit të Report TV të ndodhur në Tropojë, me kalimin e orëve pritet dhe evakuimi i vetë banorëve të këtyre zonave ,pasi është i pamundur qëndrimi në një ambjent te tillë.

TAG:
• Zjarrfikësit
• zjarret delvine finiq
• zone e veshtire
• pompa krahu