POP 5

Lajmet më të lexuara të 5 minutave të fundit

Ekonomi

Vazhdon rritja e çmimeve, inflacioni në të njëjtat shifra si në qershor! Vaji u rrit me 30%, buka me 20% krahasuar me një vit më parë

Krahasuar me në vit më parë, çmimet e transportit në korrik 2022 u rritën me gati 20%, ndërsa çmimet e ushqimeve me 13,2%, sipas INSTAT

Krahasuar me një vit më parë, shqiptarët paguajnë 20% më shumë për transportin, dhe 13,2% më shumë për të blerë ushqimet bazë, sipas INSTAT. Gjatë muajit korrik inflacioni ka shënuar rritje në raport me të njëjtin muaj një vit më parë, duke shkuar 7,5% nga 2,2% që ka qenë në korrik 2021.

Shtrenjtimi më i madh i çmimeve përfshiu kryesisht produktet ushqimore, duke pasuar qiranë, karburantet dhe energjinë elektrike. Në krahasim me një vit më parë, çmimet e transportit të ndikuara nga rritja e çmimit të karburantit janë rritur me 19,7 %, pasuar nga ushqimet dhe pijet jo alkoolike që janë rritur me 13,2 % krahasuar me korrikun 2021.

Sa u përket ushqimeve, vajrat dhe yndyrnat u rritën me 30,6 %, buka dhe drithërat u rritën me 20,0%, qumështi, djathi dhe vezët u rritën me 18,2 %, sheqeri, reçeli, mjalti, çokollata dhe ëmbëlsirat u rritën me 15,4 %, peshku u rrit me 11,4 %, zarzavatet përfshirë patatet u rritën me 9,5 %, mishi me 9,1 %.

Karburantet, uji, energjia elektrike dhe qiraja u rritën edhe në raport me një muaj më parë. Inflacioni në qershor 2022 ishte 7.4%, ndërsa në korrik, 7,5%.

D.GJ/LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Riku: 08/08/2022 18:36

    O te pacim sa malet o Edi Rama... rraces komuniste qe shtirjen e ka motiv ekzistence i duhet kjo situate... mjere kush nuk te ka votuar se keta qyrrashet qe mbushin takimet e arritjeve e meritojne 20mije jo 10mije djathin 3mije jo 2500 naften... yyyttt

    Përgjigju
  • Frena: 08/08/2022 13:03

    Jepini burra, ne bote ka filluar renia e çmimeve te ushqimit e po flitet per recesion gjithandej, ketu vetem rritje rritje rritje.

    Përgjigju
  • Sondazhi i ditës: 21 Janar, 08:38

    14 vite nga vrasja e 4 protestuesve, do bëjë SPAK drejtësi për 21 janarin?

Lajme të tjera



×

Lajmi i fundit

Dhuna në Oborrin Mbretëror, Spahia: Princ Leka do ankimojë vendimin, i motivuar politikisht! Çaça: Duhej të ishte dënuar edhe Elia

Dhuna në Oborrin Mbretëror, Spahia: Princ Leka do ankimojë vendimin, i motivuar politikisht! Çaça: Duhej të ishte dënuar edhe Elia

22 Janar, 22:40