DURRËS-Policia ka shtuar kontrollet e policisë në Portin e Durrësit duke bërë që prej 10 ditësh tragetet të nisen me vonesë.
 
Tragetet nisen 3 deri në 4 orë vonesë për shkak te kontrolleve te shumta të policisë.
 
Vonesat e shkaktuara nga kontrollet në disa raste kanë bërë që kamionët të mos imbarkohen në traget.
 
Portet greke dhe malazeze janë zgjidhja që kanë gjetur drejtuesit e kamionëve që vijnë nga Maqedonia duke braktisur radhën dhe vonesat e Portit të Durrësit.
 
Ndërsa Agjencitë Detare të Transportit deklarojnë që bizneset e transportit po pësojnë rënie nga kjo situatë.