POP 5

Lajmet më të lexuara të 5 minutave të fundit

Sociale

Vdekja e dy të rejave në maternitet, gratë e vajzat në protestë: Të bëhet drejtësi, ashpërsim i ligjit për mjekimet e pakujdesshme

“Koço Gliozheni” ku kanë kryer një akt simbolik referuar dy ngjarjeve të rënda ku brenda një jave, dy gra humbën jetën pasi u paraqitën para dyerve të materniteti. Aktivistët dënojnè kujdesin shëndetësor të pabarabartë për nënat me të ardhura të ulëta.

Me manekinin e një gruaje shtatzënë të lidhur me një kordon kartëmonedhash si për të treguar faktin se mjekët i shohin gratë shtatzëna si burim shtesë të ardhurash disa aktivistë të shoqërisë civile ishin këtë të mërkurë para maternitetit “Koço Gliozheni “.

Vdekja e 2 grave shtatzënë brenda një jave për aktivistët tregon për kolaps jo vetëm në kapacitete të shërbimit, por edhe në një kolaps vlerash dhe mosrespektimi të të drejtave themelore të njeriut.

“Duan lekë ata qenër” është jo vetëm pretendimi i familjarëve të të ndjerës, po edhe situata ku shumë shpesh gjendet secili që vjen nga komunitete të varfra, të përjashtuara në shoqëri dhe përballet me dyert e spitaleve.

Mimoza vinte nga Ballshi, prej tre vitesh jetonte në një shtëpi me qira në Tiranë. Është paraqitur në maternitetin “Koço Gliozheni” më 28 janar, ka lindur një fëmijë të shëndetshëm; disa ditë pas lindjes është paraqitur sërish në spital me dobësi trupore, ku fatkeqësisht ka ndërruar jetë.

Etleva jetonte në Elbasan, vinte nga Baldushku, ishte nënë e dy fëmijëve të tjerë, jetonte duke marrë dhe shfrytëzuar me qira lokale të vogla. Sa vështirë e kishte të mbijetonte së pari ekonomikisht, e së dyti të kishte qasje në shëndetësi etj., besoj, mund ta përfytyrojë kushdo lehtësisht. 

Ndryshimet në nenin 96,të kodit penal në vitin 2019 me uljen e dënimit nga 5 vite në 2 vite për mjekim të pakujdesshëm për aktivistët duhen amenduar pasi dhe  rastet janë shtuar.

“Pas ndryshimeve të Kodit Penal në vitin 2019 , neni 96 për mjekim të pakujdesshëm, dënimi është ulur nga gjobë deri në 5 vite burg, në gjobë deri në 2 vite burg, një dënim i pamjaftueshëm dhe qesharak. Ne nuk mund të lejojmë që situata të tilla të përsëriten më.”

Me pankarta në duar “Neglizhenca e mjekut vret”  të cilët më pas I ngjitën pranë dyerve e shkallëve të maternitetit ‘Koço Gliozheni”,aktivistët thonë se kjo neglizhencë duhet trajtuar si si krim, së pari ndaj nënës dhe fëmijes, e më pas ndaj të gjithë shoqërisë.

Protesta përpara maternitetit Koço Gliozheni vjen pasi Etleva Çullhaj humbi jetën në Elbasan pasi kreu një abort, ndërsa dy mjekët u vendosën nën hetim për mjekim të paligjshëm. Ndërkohë, Mimoza Veizaj bëri lindje natyrale më 28 janar dhe nuk kishte komplikacione gjatë lindjes. Pas 48 orësh ajo u largua në shtëpi dhe pas një ditë ka shfaqur probleme debulese. Pavarësisht ndihmës nga bluzat e bardha, ajo nuk mbijetoi dot.  

SI.E./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • nurian: 06/02/2023 20:28

    per kete jam dakorte te mbehete me referdum

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Planet e administratës Trump për t’i dhënë fund luftës në Gazë

Planet e administratës Trump për t’i dhënë fund luftës në Gazë

25 Dhjetor, 16:49