Pedagogia e Gazetarisë dhe Komunikimit, Jonila Godole ka reaguar për vdekjen e Nexhmije Hoxhës duke e cilësuar si një ditë të zezë për Shqipërinë për vetë faktin se iku pa bërë asnjë ditë burg për krimet e shumta që kryer gjatë diktaturës. Godole, përmes një statusi në facebook, u shpreh se  Nexhmija iku pa u dënuar për asnjë nga krimet e panumërta që ka kryer për 45 vite me radhë së bashku me të shoqin Enver Hoxha.

'Ditë e zezë për Shqipërinë. Nexhmije Hoxha iku pa bërë asnjë ditë burg për krimet e panumërta që ka kryer në bashkëpunim me të shoqin për 45 vjet me radhë!', shkruan Godole

Nexhmije Hoxha mbylli sytë në moshën 99-vjeçare, në banesën e saj në zonën e Laprakës në Tiranë. Bashkëshortja e ish-diktatorit të komunizmit, Enver Hoxha, la pas tre fëmijë, 2 djem dhe një vajzë.