Vdekja e Pagarushës, Lulzim Basha: Ishte këngëtarja e preferuar e nënës sime

Lulzim Basha ka reaguar pas vdekjes së këngëtares së madhe Nexhmije Pagarusha duke thënë se lajmin për ndarjen e saj nga jeta e ka pritur me shumë trishtim.

Me anë të një mesazhi ngushëllimi të shpërndarë në rrjetet sociale Basha shkruan se Pagarusha ishte këngëtarja e preferuar e mamasë së tij dhe se e ka dëgjuar që fëmijë.

“Me trishtim mësova ndarjen nga jeta të bilbilit të këngës shqiptare znj. Nexhmije Pagarusha. Zëri i saj unik më ka shoqëruar që fëmijë, sepse Pagarusha është këngëtarja e preferuar e nënës time, ishte frymëzim dhe gëzim për të, ashtu si për shumë shqiptarë të tjerë në momente të lumtura dhe të vështira. Prehu në paqe Zambaku i Shqiptarisë! Magjia, forca dhe ëmbëlsia e zërit tënd nuk do të shuhen kurrë!”, shkruan Basha

Lajmi kryesor:

Shuhet mbretëresha e muzikës shqiptare, Nexhmije Pagarusha, artistët: Sot është përjetësuar një figurë e madhe për kombin shqiptar!

TAG:
• Nexhmije Pagarusha
• zhani ciko
• Liljana Kondakci
• Gerti Druga