Një biznesmen rus që punonte në sektorin e energjisë ka ndërruar jetë pasi u rrëzua nga varka gjatë fundjavës. Ai ka vdekur në rrethana misterioze ndërsa kishte njohje me presidentin rus Vladimir Putin.

Ivan Pechorin, 39 vjeç, ishte drejtor menaxhues i Korporatës së Lindjes së Largët dhe Zhvillimit të Arktikut të Putinit. Ai po lundronte në brigjet e ishullit Russky në Detin e Japonisë të shtunën kur ra në det nga varka që po ecte me shpejtësi.

Trupi i tij u gjet në ujë mëngjesin e së hënës pas një kërkimi intensiv. Vetëm disa ditë më parë kishte marrë pjesë në një konferencë të madhe të organizuar nga Putin në Vladivostok.

"Vdekja e Ivanit është një humbje e pariparueshme për miqtë dhe kolegët, një humbje e madhe për korporatën," tha ERDC në një deklaratë në faqen e saj të internetit.