Vdekjet në kampin e Tepelenës
shkak TBC-ja dhe dizanteria

Historiani Kastriot Dervishi ka publikuar në Facebook një dokument të viteve 1949-1951 që hedh dritë mbi shkaqet e vdekjeve në kampin e Tepelenës, kryesisht fëmijë dhe të moshuar. 

Në kampin me tela me gjemba të Tepelenës, brenda një nate kanë humbur jetë 30 fëmijë të cilët siç mësohet nga ky dokument, ishin prekur nga TBC-ja, sëmundje vdekjeprurëse deri disa dekada më parë dhe dizanteria. 

Sipas këtij dokumenti, viktimat ishin fëmijë 5-vjeçarë dhe të moshuar të moshave 69-89-vjeç.

"Këto ekstrakte dokumentesh të viteve 1949 dhe 1951 hedhin dritë mbi shkaqet e vdekjeve në kampin tela me gjemba të Tepelenës. Nga një lexim i përgjithshëm shihet se sëmundjet kryesore në kampin e Telelenës janë TBC-ja dhe dizanteria. Po ashtu vihen re se të internuarit e vdekur janë kryesisht të moshuar dhe fëmijë. Në rastet kur cilësohet mosha, vërehet se fëmijët janë 5 vjeçarë, ndërsa të moshuarat janë të moshave 69 dhe 89 vjeçe", shkruan Dervishi në Facebook. 

(Raporti për vdekjet në kampin e Tepelenës)

Redaksia Online
l.q/Shqiptarja.com