Vdes në moshën 49-vjeçare këngëtari i famshëm, ylli i Prodigy

Anëtari i grupit elektronik “The Prodigy”, Keith Flint është gjendur i vdekur mëngjesin e sotëm në shtëpinë e tij. Ende nuk dihen shkaqet e vdekjes së 49-vjeçarit, por autoritetet kanë deklaruar se rasti në fjalë nuk po trajtohet si një vdekje e dyshimtë.

Performancat energjike dhe flokët në stilin “punk” e kthyen shumë shpejt Flintin në një prej personazh të identifikueshëm. Policia ende nuk ka folur për shkaqet e kësaj ngjarjeje.

Flint ishte kthyer së fundi në Mbretërinë e Bashkuar pas një turneu në Australi dhe në muajin maj duhet të niste një turne në SHBA. Interesante është se grupit Prodigy ai i ishte bashkuar fillimisht si kërcimtar, por më pas arriti të shndërrohet në figurën kryesore të tij. Përveç atij debutues në vitin 1992, të shtatë albumet e grupit kanë arritur numrin 1 në renditje në Britani. Më i fundit prej tyre ishte “No Tourists”, i publikuar nëntorin e vitit 2018.

Flint ka qenë vokalisti i dy prej “single”-ave më të famshëm të Prodigy, “Breathe” dhe “Firestarter”, hiti më i madh i grupit muzikor në Shtetet e Bashkuara. Ngushëllimet për të kanë ardhur nga artistë të tjerë, përfshirë Ed Simons të Chemical Brothers, i cili e quajti “një njeri të jashtëzakonshëm”.

TAG:
• Keith Flint