Vdes punëtori i ndërtimit nga shëpërthimi i transformatorit, KSSH: Po tentohet të fshihen përmasat e pasojave të ngjarjes

Për ngjarjen reagoi edhe Konfederata e Sindikatave të Shqipërisë, ku teksa shpreh ngushëllime familjes së viktimës, i kërkon autoriteteve të zbardhin ngjarjen. KSSH kërkon të zbardhet nëse ka pasur mangësi për plotësimin e kushteve të sigurisë teknike. Nëse rezulton kështu - thotë Konfederata - atëherë përgjegjësit duhet të ndëshkohen sipas ligjit.

"Mungesa e sigurisë teknike në punë shkakton tragjedinë e radhës. Autoritetet të tregojnë transparencë pasi ka indicie se po tentohet të fshihen përmasat e pasojave të ngjarjes", thuhet në reagim.

Nga shpërthimi i transformatorit elektrik në një objekt në ndërtim në autostradën Tiranë-Durrës, ndërroi jetë një prej punëtorëve të firmës private të ndërtimit, dhe u plagosën rëndë edhe dy të tjerë.

Lajmi kryesor:

Tiranë/ Shpërthen transformatori elektrik, ndërron jetë punonjësi i firmës së ndërtimit, plagosen 2 të tjerë - Video

G.M./b.ha./Shqiptarja.com

TAG:
• policia e tiranes
• transformatoret