POP 5

Lajmet më të lexuara të 5 minutave të fundit

Bota

Vdiq në Londër, policia kërkon ndihmë për identifikimin e njeriut me tatuazh, dyshohet se është shqiptar

Policia angleze ka publikuar imazhin e përpunuar të një burri të cilin nuk kanë mundur ta identifikojnë, pesë muaj pasi ai ndërroi jetë në perëndim të Londrës.

Vdiq në Londër, policia kërkon ndihmë për identifikimin e njeriut me tatuazh, dyshohet se është shqiptar

Identikiti i personit të vdekur të cilin policia kërkon ndihmë për ta identifikuar

Londer- Policia angleze ka publikuar imazhin e përpunuar të një burri të cilin nuk kanë mundur ta identifikojnë, pesë muaj pasi ai ndërroi jetë në perëndim të Londrës.

Viktima që mendohet se është shqiptar u gjet në Sixth Avenue, Queen’s Park në orën 02:40 të 6 tetorit 2023. Ai u dërgua në spital ku ndërroi jetë 10 ditë më pas.

Policia thotë se vdekja e tij nuk po trajtohet si e dyshimtë dhe kanë lëshuar një imazh të përpunuar me shpresën se familja e tij do të paraqitet.

Gjithashtu ata kanë publikuar edhe imazhin e një tatuazhi në krahun e tij. Detektivja Julia Morroë sqaroi pamjet e kamerave të sigurisë CCTV, ku duket personi i cili ecën në rrugë dhe më pas bie pa ndjenja. Ajo shton: “Ne kemi bërë disa kontrolle për të bërë identifikimin e tij, duke përfshirë edhe kontrolle të përshkrimeve të njerëzve që kanë humbur në këtë zonë, por sërish nuk kemi mundur ta gjejmë se kush është ai. Po punojmë me mjekët ligjor për të identifikuar të afërmit e tij dhe po përcjellim imazhin e një tatuazhi që personi kishte në bicepsin e majtë, me shpresën dikush do ta njohi dhe do të vijë.

Policia thotë se ai ishte veshur vetëm me pantallona dhe me vete nuk kishte asnjë send apo mjet identifikimi. Në pamje, policia thotë se ai duket teksa flet me vete në një gjuhë të huaj, për të cilën mendohet se është shqiptar. Ai përshkruhet si i bardhë, në të 40-at dhe me trup të hollë. /BBC/

Foto: Tatuazhi që personi i paidentifikuar ka 

S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Humbi jetën pasi ra nga 10 metër lartësi në vendin e punës, zbulohen detaje të reja lidhur me 41- vjeçarin shqiptar në Itali

Humbi jetën pasi ra nga 10 metër lartësi në vendin e punës, zbulohen detaje të reja lidhur me 41- vjeçarin shqiptar në Itali

24 Nëntor, 09:15