Drejtuesit politikë të Partisë Socialiste për Qarkun e Tiranës, kryetari i Bashkisë së Tiranës, Erion Veliaj dhe kryetarja e Kuvendit të Shqipërisë, Elisa Spiropali, nisën sot një tur të shpejtë në të gjithë qarkun, për t’u takuar me anëtarët socialistë të Kamzës, Vorës, Kavajës dhe Rrogozhinës, si parapërgatitje për zgjedhjet e 2025.
Në takimin me strukturat e PS në Kamzë, ku morën pjesë edhe deputetja e PS, Lindita Nikolla dhe kryetari i Bashkisë së Kamzës, Rakip Suli, Veliaj tha se me Edi Ramën dhe Partinë Socialiste, Shqipëria është më afër se kurrë familjes evropiane.
“Duhet ta ngremë Flamurin e Republikës së Shqipërisë në oborrin e Bashkimit Europian. O jemi afër sot, o s’kemi qenë kurrë më përpara! Kjo është arsyeja pse na duhet ky mandat i katërt, për ta çuar Shqipërinë në familjen evropiane, si aspirata e qindra viteve, por është fati ynë, i kësaj skuadre, i PS-së dhe Edi Ramës, që ta përmbushim këtë mision. Është i dukshëm vendimi politik që Shqipëria të ndahet nga të tjerët në rajon, si vendi që po ecën më shpejt, që po përmbush më shumë reforma, dhe është më gati për t’u bërë anëtare e re BE-së. Kjo do të thotë se me Edi Ramën dhe Partinë Socialiste, Shqipërisë i është ngritur koka. Sot pasaporta e Shqipërisë vlen më shumë, himni dhe flamuri i Shqipërisë respektohen më shumë, sot shqiptarët trajtohen kudo me më shumë konsideratë”, tha ai, duke ironizuar edhe situatën ku ndodhet opozita. “Qartazi ata kanë hallin e tyre, hallin e dikujt që është në katin e 8, hallin e bombave që kanë bërë, të problemeve që kanë, ndërkohë ne kemi ambicien për Shqipërinë e 2030”.
Kryetarja e Kuvendit të Shqipërisë, Elisa Spiropali tha: “Ne do flasim për veten, puna jonë duhet të flasë për ne dhe unë mezi pres të punoj me secilin prej jush, në të gjitha qëndrat e votimit, për t’i dhënë një fitore PS, Edi Ramës, në Bashkinë e Kamzës, në Bashkinë e Kavajës, në Bashkinë e Rrogozhinës, në Bashkinë e Vorës, patjetër në Bashkinë e Tiranës, ku Erioni dhe Ogerta po punojnë së bashku, dhe kudo tjetër në Shqipërinë tonë, e cila në 2030-ën, duhet të jetë anëtare e Bashkimit Europian dhe nuk mund të mbahet peng nga askush dhe për asnjë arsye”.
Ndërkaq, Veliaj nënvizoi se ambicia për mandatin tjetër të PS është rritja më e madhe e pensioneve dhe rrogave të shqiptarëve.
“Unë besoj fort te ambicia që shtroi kryeministri në Asamble dhe në Kongres, - por sidomos grupet e punës, që tashmë kanë filluar të gjitha analizat dhe propozimet konkrete, - që ky të jetë mandati i rritjes më të madhe ndonjëherë të pensioneve dhe rrogave. Këtë mandat, këtë fitore, ta përkthejmë të gjithën jo si fitore për inat të tjetrit, por si fitore për të rritur masivisht pensionet për gjyshërit dhe prindërit tanë. Ky është misioni! Rritja e rrogave dhe pensioneve është mënyra më e mirë se si përkthehet gjithë ky idealizëm, gjithë ky pasion, ky afrim me Evropën”, tha ai.
Më tej, Veliaj u ndal edhe te vota e diasporës, teksa kërkoi prej strukturave një angazhim edhe më të madh për të siguruar mbështetjen e tyre.
“Mesazhi i tretë ka të bëjë me votën e emigrantëve. Ne kemi potencialin për një Parti Socialiste të dytë, për një skuadër si kjo, të dytë, që jeton jashtë vendit. Në fakt, filozofia nuk duhet të jetë të shkojmë jashtë e t’i gjejmë ku votojnë. Filozofia duhet të jetë krejt ndryshe. Të gjejmë të gjitha familjet tona, kushërinjtë tanë, komshinjtë, krushqitë tona në secilën prej organizatave tona, duke ditur që janë të regjistruar, dhe duke i gjetur nga këtu, për t’i inkurajuar që, kur të hapet dritarja e KQZ-së për regjistrimin e emigrantëve, ne që aty do të duhet ta dimë sa do jetë fitorja jonë”, deklaroi Veliaj.
Veliaj dhe Spiropali zhvilluan takime edhe me strukturat socialiste të Vorës, Rrogozhinës dhe Kavajës.
Në zgjedhjet parlamentare të 2025, për herë të parë do të votojnë edhe emigrantët, të cilët mjafton të kenë një adresë të saktë banimi në vendin ku jetojnë.
Nga Vora, ku zhvilloi një takim me strukturat e PS-së, së bashku me kryeparlamentaren Elisa Spiropali, Drejtuesi Politik i PS për Qarkun e Tiranës, Erion Veliaj, vlerësoi se ky është një tjetër premtim i mbajtur.
“Dikush mund të thotë se këta e filluan fushatën para kohe. Kjo është diçka që ne e kemi pasur betejë, qëkur kemi qenë në opozitë. E morëm atë nismë modeste që kur unë punoja si Sekretar për Diasporën dhe Emigrantët; më pas, në 2013, nuk u lejuam të punonim me diasporën, por na u desh të inkurajonim ardhjen fizike të tyre këtu për të votuar. Sot kësaj i ka ardhur fundi. Nuk ka rëndësi për kë voton diaspora. Ideale do të ishte të votonte për partinë tonë, si partia që ka transformuar e modernizuar më shumë Shqipërinë, megjithatë secili bën zgjedhjen e tij i lirë. Ne si socialistë jemi krenarë që, për herë të parë në historinë e Shqipërisë moderne, ajo që garantohet nga Kushtetuta, e drejta e votës, mundësohet edhe për emigrantët falë vendimmarrjes së PS”, tha ai.
Nisur edhe nga rezultatet fantastike të zgjedhjeve të mëparshme, Veliaj shprehu bindjen se PS ka potencialin që, bashkë me ndihmën e diasporës, të fitojë me mbi 100 mijë vota diferencë ndaj rivalëve në qark.
“Në Tiranë janë 974 qendra votimi. Ata nuk kanë fituar asnjë qendër votimi. Ndaj, ne s’kemi garë me njeri tjetër. Ne garën e kemi me veten tonë. Në zgjedhjet e fundit ne fituam këtu [në Vorë] me 71%. Është shumë e rëndësishme që kjo të jetë baza e fitores për zgjedhjet e ardhshme dhe nëse në Tiranë fituam me 60 mijë vota, në Kamzë me 12.500 vota, këtu me 6000 vota, në total e kemi të gjithë potencialin që, me ndihmën e diasporës, të fitojmë me mbi 100 mijë vota ndaj rivalëve tanë. Jo se i kemi inat ata, por sepse kemi pasion kauzën, ambicien tonë, dëshirën që Shqipëria të futet në BE, planin tonë për rritjen e pensioneve dhe pagave, dhe të sigurohemi që Vora të mos kthehet kurrë pas e të vazhdojë lart e më lart”, theksoi Veliaj.
Lajme të tjera
-
Kreshnik Spahiu: Pse krijohen kaq shumë parti të reja në Shqipëri?
29 Shtator, 17:09
-
Zgjedhjet 2025, PD rrezikon të humbë tjetër aleat! Duka për Report Tv: ‘Aksionet’ e mia 44 mijë vota, dua deputetë të sigurt
29 Shtator, 14:00
-
'Plani Celibashi’ për votën e emigrantëve, PS dhe Organizatat rezerva: Të jetë më i thjeshtë! PD ende pa komente në KQZ
29 Shtator, 13:04
-
Nis puna për ndërtimin e terminalit të autobusëve te kthesa e Kamzës, Veliaj: 9 vite pritje, zgjidhëm problemet me pronësinë! Edhe lulishte për qytetarët
29 Shtator, 11:39 -
Kanosi një vajzë që t’i dërgonte video intime, ekstradohet nga Italia 38-vjeçari i akuzuar për përndjekje
29 Shtator, 09:42 -
FOTOLAJM/ 'Vëllazëria pushton gjithçka', Veliaj takon Alex Soros në New York
28 Shtator, 22:14 -
SHBA/ Veliaj takon ish-ambasadorin Arvizu: Mik i vyer dhe avokat i përjetshëm i Shqipërisë
28 Shtator, 15:42 -
Salianji në burg, Berisha nuk i heq titullin 'drejtues qarku i Elbasanit': Pas 6 tetorit PD kalon vetëm në sulm! Përsërit kërkesën për qeveri teknike
28 Shtator, 14:11 -
Pezë Helmes/ 28 vjeçarit i gjejnë arsenal armësh e parcelë me kanabis, arrestohet (FOTO)
28 Shtator, 13:28 -
Eduard Zaloshnja: Sa nga 1.75 milionë zgjedhësit në emigracion do të votojnë me postë?
28 Shtator, 11:07
-
EMRI/ Dhunohet me shkop bejsbolli polici i Burgut 313 në Tiranë, dërgohet te Trauma! Tre autorët ikin me makinë, i marrin dhe armën e shërbimit
28 Shtator, 10:17 -
Tiranë/ E mitura largohet pa leje nga shkolla tek Fresku, vë në alarm familjen! Gjendet në Laprakë tek shtëpia e gjyshërve
27 Shtator, 21:31
