Veliaj i dorëzon çelsat e banesës së re familjes në Zall Herr: Përfunduam të gjitha shtëpitë e dëmtuara nga tërmeti i shtatorit

Veliaj i dorëzon çelsat e banesës së re familjes në Zall Herr: Përfunduam të gjitha shtëpitë e dëmtuara nga tërmeti i shtatorit

Një ditë pasi Këshilli Bashkiak i Tiranës miratoi pagesat për 3 mijë familje, shtëpitë e të cilave u dëmtuan nga tërmeti, sot kryebashkiaku Erion Veliaj i dorëzoi çelsat e shtëpisë një familje në Zall Herr, që u dëmtua nga tërmeti i shtatorit.

Shtëpinë e re të familjes Rrushi e hapi djali i vogël i kësaj familje, ndërsa kryebashkiaku Veliaj tha se pa kaluar 10 muaj nga tërmeti i shtatorit dhe pothuajse të gjitha familjet, shtëpitë e të cilave u dëmtuan nga tërmeti i shtatorit, kanë marrë zgjidhje

 “Kaluan 10 vite nga përmbytjet në Shkodër dhe banorët nuk i morën dot lekët nga qeveria e mëparshme. Ndërkohë, sot jemi dita me natën. Për më pak se 10 muaj mbyllëm të gjitha shtëpitë e shtatorit. Na dhëntë Zoti kohë të mirë, vullnet, zemër të madhe, që gjatë gjithë verës të punojmë non-stop. Kur qytetarët të ikin me pushime, të rikuperojmë edhe një pjesë të madhe të shtëpive të nëntorit dhe sa më shumë familje të futen në banesë para datës 26 nëntor. Më pas do fillojmë me pallatet, që sigurisht do marrin pak më shumë kohë”, tha kreu i Bashkisë së Tiranës.

Veliaj u bëri thirrje të gjithë qytetarëve që u ka dalë emri në listën me 3 mijë familje, që të paraqiten tek njësitë administrative apo në postë për të tërhequr çekun me para.

“Dua të ftoj qytetarët që u ka dalë emri në listë, të paraqiten tek njësitë administrative ose në postë për të tërhequr çekun. Besoj se do vijojmë me këtë ritëm nga 3000 e nga 3000, deri sa të kemi mbi 10 mijë familje që do marrin pagesën cash për apartamentet dhe shtëpitë e dëmtuara në Tiranë. Janë mbi 800 shtëpi, ku çdo javë, nga 200 e 200, do lidhim kontratat me kompanitë për rindërtimin e tyre”, tha Veliaj.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • I demtuar nga termeti: 20/06/2020 18:41

    Stop show off klyshi I RILINDJES ketu Jane Me Mira njerez qe Kane humbur shtepite dhe jane rrugeve te pa shprese

    Përgjigju
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Me kërkesë të Rithemelimit, mblidhet sot Sekretariati i Etikës: Anuloni votimin e 7 marsit, ligjet u kaluan pa kuorum

Me kërkesë të Rithemelimit, mblidhet sot Sekretariati i Etikës: Anuloni votimin e 7 marsit, ligjet u kaluan pa kuorum