Kopshti Botanik është kthyer një landfill plehrash dhe pyll ferrash pa zot. Kështu u shpreh kryetari i Bashkisë së Tiranës, Erion Veliaj gjatë një takimi me vullnetarët e Maratonës së Tiranës, duke theksuar se Universiteti i Tiranës ka qenë plotësisht i paaftë për të menaxhuar një nga hapësirat më të bukura të Tiranës.
Ai solli në vëmendje se në vitin 2011 qeveria e PD-së e grabiti Kopshtin Botanik duke i marrë një pjesë të mirë të tijën dhe për të hedhur në të asfalt për rrugë. “Kjo PD që doli sot, i futi asfalt dhe beton mes për mes Kopshtit Botanik, sot thonë ta ruajmë”, tha kryetari i Bashkisë së Tiranës.
Ai theksoi se vendimi i qeverisë për t’ia kaluar këtë hapësirë Bashkisë së Tiranës është mundësia më e mirë ta ruajtur dhe pasuruar atë me bimësi të tjera. “VKM e kryeministrit Rama, e qeverisë tonë, hipoteka e Bashkisë së Tiranës, garanton këtë ruajtjen, sepse këta se ruanin dot. PD që reagi sot ishte e vetmja që i ka vjedhur një copë Kopshtit Botanik. Duke qenë se fuqia më e madhe gjelbëruese, fuqia më e madhe estetike, infrastrukturore, mbjellëse, botanike, fuqia më e madhe që transformon realitete urbane në Tiranë është Bashkia”, shtoi Veliaj.
Prova më e mirë që garanton këtë theksoi Veliaj janë të gjitha punët e mira që ka bërë Bashkia e Tiranës te Parku i Madh i Liqenit dhe te kthimi i shumë hapësirave që më parë ishin zaptuar dhe kthyer në vendgrumbullimi plehrash. “Po të ishte për partinë e Lulit dhe të Monës, shihni, meqë po flasim për Maratonën, si ishte gjysma e dytë e Liqenit, tani ku është bërë itinerari i ri, këndi i lodrave të reja. Ju kujtohet. Ju kujtohet ai gjermani që e rrahën e bënë të vdekur, sepse aty digjej plastika, iste kthyer i gjithi në landfill, u çlirua sepse sot do kalojë Maratona, e kemi një kartolinë të Tiranës. Partia e Lulit dhe e Monës kur menaxhonin Farkën dhe kur menaxhonin atë interes, pjesën e Kopshtit Zoologjik, Botanik. Shihni ata e kanë pasur zonën e Farkës ku janë këto dy kopshte, këta doktorët e plagjiaturave që sot janë kryetarë dhe zëdhënësa partish, që jo vetëm ishin një dikaster si studentë me plagjiaturat e tyre, por ishin dikaster si politikanë. Ata e kishin menaxhimin, sot dalin si mbrojtës, kush hajdutët e parë. Një parti që zaptoi Liqenin dhe tjetra që i bëri autostradën mes për mes kur mund të devijohej dhe të bëhej në një hapësirë tjetër. Kështu që hipokrizia e atyre që sot ulërasin për zhvillimet urbane, janë të njëjtët, kanë 5 vjet që i dëgjojmë. I dëgjuam te Sheshi Skënderbej, te Pazari i Ri, te Kalaja. Ja ku është Kalaja sot, një nga vendet më të vizituara”, u shpreh Veliaj.
Veliaj siguroi se me investimet dhe vëmendjen që do të ketë Bashkia e Tiranës Kopshti Botanik do kthehet realisht në një hapësirë model studimore dhe shkencore për studentët dhe studiuesit e ndryshëm. “Unë di ta ndaj shumë qartë Mynyrin e korruptuar që merr 5 mijë lekëshat e nuseve nga shkencëtarët e sinqertë dhe ata që realisht duan të bëjnë shkencë. Jam takuar disa herë me Mynyrin, me dekanin, jemi përqafuar kemi shtrënguar dorën mbi një dakordësi ku jo vetëm nuk i mohohet asgjë, por me Bashkinë e Tiranës blindohet integriteti i kësaj prone. Ata do të kenë mundësi që realisht, jo me llafe e me tendera false, por realisht t’i bëjnë eksperimentet aty, të bëjnë shkencë aty, t’u japin studentëve akses aty. Realisht të prodhojë diçka që realisht të mblidhet senati dhe të thotë urra bëmë shpikje ne në Shqipëri. Dhe mos të mblidhen vetëm kur kanë punë tenderash”, shtoi kryetari i Bashkisë së Tiranës.
Lajme të tjera
-
Zgjedhjet e vitit 2025/ Presidenti Bajram Begaj pret nesër në konsultime për datën PD dhe PS, e mbyll me Celibashin
24 Nëntor, 19:53 -
PD akuzon Ramën për takimin e Londrës: Pasi i dëboi nga Shqipëria, i dhunoi emigrantët në kryeqytetin britanik! Do përgjigjet
24 Nëntor, 19:03 -
Protesta e opozitës më 26 Nëntor/ PD publikon 5 rrugët dhe pikat që do bllokojë në Tiranë! Ja ndarja e deputeteve
24 Nëntor, 18:48 -
Basha për takimin dhe antimitingun në Londër: Turp e faqja e zezë për Ramën dhe Berishën! Ata i duan shqiptarët mish për top, pazare dhe për pushtetin e tyre
24 Nëntor, 18:20 -
Gjikondi: Ja taktika e çiftit Meta-Kryemadhi për të shpëtuar pronat e vendosura në mënyrë të paligjshme! Ja pse administrata Trump nuk do t’i heqë ‘non-gratën’ Berishës
24 Nëntor, 12:13 -
Ylli Pata: E marta e kiametit...
23 Nëntor, 19:52
-
Berisha i refuzuar nga militantët, porosi drejtuesve të qarqeve për protestën: Të martën sillni sa më shumë njerëz në Tiranë
23 Nëntor, 18:35 -
'Të rezistojmë, të ngremë krye', Salianji letër nga burgu, kërkon drejtësi për Martin Canin: Asgjë nuk vjen vetë! Aq më keq po t’ia lësh në dorë kryeministrit
23 Nëntor, 17:59 -
Jorida Tabaku: Socialistët i trajtojnë pensionistët si grup elektoral dhe i gënjejnë për vota! Ata meritojnë dinjitet dhe vlerësim
23 Nëntor, 15:44 -
Zgjedhjet 2025/ Bardhi: Betejë për jetë a vdekje! Në Kuvend, gratë deputete shpesh herë më shumë luftarake se burrat
23 Nëntor, 14:08 -
Megjithë përpjekjet dhe ndihmën e përfaqësuesit grek, PD nuk arrin ta përfshijë Sali Berishën në rezolutën e PPE-së
23 Nëntor, 12:17 -
Veliaj inspekton terminalin veri-perëndimor: Investim i ri që lehtëson trafikun dhe modernizon transportin
23 Nëntor, 11:51
