Veliaj me gratë sipërmarrëse në Kavajë: Zonjat dhe zonjushat mendojnë për të ardhmen, kauza e tyre e njëjtë me tonën

Veliaj me gratë sipërmarrëse në Kavajë: Zonjat dhe zonjushat mendojnë për të ardhmen, kauza e tyre e njëjtë me tonën

Kryetari i Bashkisë së Tiranës Erion Veliaj në Kavajë

Nga Kavaja në një takim me gratë sipërmarrës, kryetari i Bashkisë së Tiranës, Erion Veliaj tha se me programin e Partisë Socialiste, zonjat janë më pranë kauzës së PS, pasi ato mendojnë më shumë për të ardhmen.

“Zonjat dhe zonjushat, që vijnë nga familje të djathta ose familje të LSI janë mjaftueshëm të emancipuara për të thënë, unë nuk do bëj llogaritë e gjyshit dhe gjyshes, do bëjë llogaritë e fëmijëve. Nëse marrin një çek bebi, nëse shkojnë në një çerdhe, në një shkollë më të mirë, në qoftë se janë në universitet, jo “Kristal”, jo “Vitrina”, në qoftë se ju jepet një dorë nga shteti një kredi e butë për një apartament apo me një grand për të filluar një biznes, atëherë kjo është partia e tyre”, u shpreh Veliaj.

Duke folur për taksat, Veliaj sqaroi se Partia Socialiste ka programin më të mirë për biznesin.

“Për biznesin e vogël taksa do jetë zero deri në vitin 2029. Pse deri në 2029? Sepse mendohet qe pasojat e tërmetit dhe pandemisë do të vazhdojnë për disa vite. Kjo nuk është hap e mbyll qepenin, pra do kohë ekonomia të ndizet. Me programin tonë për pagën minimale 400mij lekë, për taksat e biznesit zero, për një taksë progresive, kush merr me pak paguan më pak, kush merr më shumë paguan më shumë”, tregoi Veliaj.

Për programin e Lulzim Bashës, kryebashkiaku tha se po e shet me para në formë libri, ndërsa ceremoninë e hapjes së fushatës së PD-së e cilësoi një autosallon makinash të shtrenjta.

“Kush pa atë shfaqen e hapjes së fushatës në Tiranë, na kujtoj fushatat e ’96-ës. Si ka mundësi?! Mbi kofano, me zhurmë, Bentley 200’000 Euro, Porsche Cayenne 100’000 euro dhe këta flasin për varfëri. Do me thënë si mund ti ngeli sahati kur ishe ne krye të Bashkisë së Tiranës, po si mund të ngeli ora në ’96?! Ndërkohë që i gjithë populli është emancipuar më shumë se një pjesë e politikës”, nënvizoi drejtuesi politik i PS-së për Tiranën, Erion Veliaj.

J.GJ./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Gazment, rrugës për në SPAK merr edhe këto letra me vete

Gazment, rrugës për në SPAK merr edhe këto letra me vete