Kryetari i Bashkisë së Tiranës, Erion Veliaj, vlerësoi me medaljen “Mirënjohja e Qytetit” poeten dhe autoren e teksteve të këngëve, Zhuliana Jorganxhi, në 75-vjetorin e saj të lindjes. Në një pritje të ngrohtë, ku përveç artistes së mirënjohur, ishin të ftuar edhe emra të tjerë të artit si: Enver Shëngjergji, Alida Hisku, Justina Aliaj, Zhani Ciko, Robert Radoja, Shqipe Zani, Agim Krajka, Liljana Kondakci, Edith Mihali, Ilir Cumani, Sivana Brace, kryebashkiaku u shpreh i lumtur që, në 100-vjetorin e shpalljes së Tiranës Kryeqytet, qyteti po nderon një nga personazhet më frymëzues të tij.
“Zhuliana Jorganxhi është kujtimi ndoshta më i pastër i fëmijërisë sime, i atyre këngëve, poezive, vjershave e vargjeve. Të falenderoj që na ke frymëzuar në një kohë shumë, shumë të vështirë, kur jo vetëm fjala duhet të përzgjidhej për të frymëzuar, por kur fjala duhej të përzgjidhej për të mos u censuruar, për të mbijetuar e për të dhënë kurajo në kohë të vështira, në kohë të tranzicionit. Jam shumë i lumtur që je rikthyer në Tiranë në këtë 100-vjetor dhe të nderojmë me këtë medalje si një nga figurat më frymëzuese të këtyre 100 viteve”, u shpreh Veliaj.
Edhe vetë artisja, mjaft e dashur sidomos për ata që janë rritur me këngët e saj, u shpreh tejet e vlerësuar dhe mirënjohëse për nderimin në përvjetorin e 75-të të lindjes. “Ju jam shumë mirënjohëse për nderin e madh që po më bëni. Ju uroj shëndet dhe suksese gjithmonë e më të mëdha! Lulëzoftë arti dhe kultura, jo vetëm në Tiranë, po në gjithë Shqipërinë. Ju jam shumë, shumë mirënjohëse”, u shpreh Jorganxhi.
Zhuliana Jorganxhi është një nga emrat më të veçuar dhe më të zëshëm të artit dhe kulturës sonë kombëtare të shekullit që lamë pas, por edhe të këtij fillim shekulli. Mjeshtre e fjalës së gdhendur në varg, uragan i fuqishëm i simbolikës dhe e metaforës në këngën shqipe, lirikja dhe frymëzuesja që me kumtin e saj ngriti peshë zemrat e shqiptarëve këtej dhe andej kufirit.
Komente
Lajme të tjera
-
Skiatorja Lara Colturi u rendit e dyta në Botërorin e Skive, Veliaj: 100 mijë euro shpërblim nga bashkia e Tiranës
9 Janar, 19:43 -
Hetimet për Erion Veliajn, biznesmeni Elman Abule thirret në SPAK
9 Janar, 11:20 -
'Ura për Shqipërinë 2030', Rama: Zhvillojmë pronën shtetërore, s’paguajmë më qira! 25 institucione akomodim në kulla, shteti në këmbim të pronës merr zyrat
9 Janar, 10:35 -
Gjimnazistët ekselentë në Këshillin Bashkiak, Veliaj: Burim frymëzimi
7 Janar, 15:42 -
Aboneja për pensionistët, Veliaj: Çdo muaj është falas, ashtu si për studentët! U kursejmë 192 mijë lekë në vit gjysheve dhe gjyshërve
5 Janar, 15:31 -
Erion Veliaj pret në shesh Vitin e Ri me artistët e qytetarë: Progresin e Tiranës s'e ndal askush! Më pak stërkëmbësha e më shumë punë
1 Janar, 01:56 -
Ndërrimi i viteve me koncert në Tiranë, s’mungojnë fishekzjarret! Nënkryetarja e Bashkisë: I pranishëm edhe Veliaj
31 Dhjetor 2024, 15:17 -
Mirësevjen 2025! Në Tiranë, spektakël fishekzjarresh e koncert në shesh! Atmosferë festive në çdo qytet! Shqiptarët kudo urojnë: Gëzuar!
31 Dhjetor 2024, 10:58 -
Shqipëri, zhvillimet në vitin 2024, SPAK protagonist
30 Dhjetor 2024, 22:17
-
'A e dini kush është Nesti Angoni?' Rama: Nuk e komentoj, mos më shtyni në ngasje, s’kam parë asnjë akuzë konkrete! Asnjë në PS nuk lejohet që ta komentojë
30 Dhjetor 2024, 14:01 -
Veliaj në SPAK, Rama: Linçimi publik i neveritshëm! Çorbë derrash, s’mund të jetë arsye për qëndrime politike! Po i cënohet jeta familjare
30 Dhjetor 2024, 11:10 -
Kreshnik Spahiu në REPORT TV: Personazh i vitit janë ‘Tifozat Kuqezi’! Berisha dhe Rama do shkrijnë çdo parti tjetër më 11 Maj! PD e PS duhet të ishin të jashtëligjshme
29 Dhjetor 2024, 18:51
Po rapsodin Sali kur do dekorosh?
Përgjigju