Veliaj në Njësinë 10: Fitorja e 14 Majit, përgjegjësi e madhe për të bërë më shumë punë, me përulësi dhe mëngët e përveshura

Turi i falënderimeve i kryebashkiakut të Tiranës, Erion Veliaj u ndal në Njësinë 10, ku ai tha se Partia Socialiste e sheh fitoren e 14 Majit si një përgjegjësi të madhe për t’ua kthyer mbështetjen qytetarëve me më shumë punë e besim.

“Ka dy mënyra se si mund ta menaxhojmë këtë fitore të madhe: Mund të themi se 60 mijë vota diferencë është fitorja më masive, më historike e një partie; ose mund të themi se një fitore kaq e madhe është edhe një përgjegjësi po kaq e madhe. Shumica e popullit na e dha këtë përgjegjësi, ndaj duhet të sigurojmë që këto 60 mijë vota diferencë t’i kthejmë në 60 mijë mundësi komunikimi, në 60 mijë mundësi përbashkimi dhe në 60 mijë ide dhe projekte për ta bërë Tiranën më të mirë, jo vetëm për ata që na votuan, por për secilin prej atyre që votoi, pavarësisht se mendojnë ndryshe nga ne, për të treguar që ajo që ne na bën të fortë nuk është arroganca, por përulësia, mëngët e përveshura, fjala mbajtur dhe punët e kryera. Kjo është filozofia që do na bëjë fitues edhe në mandatin tjetër,” u shpreh Veliaj.  

Nga ana tjetër, duke iu drejtuar demokratëve, kreu i Bashkisë së Tiranës tha se askush nuk është i humbur, as ata që nuk votuan për skuadrën fituese.

“Thirrja ime për çdo demokrat është: Nuk keni humbur asgjë! Përkundrazi, keni fituar një skuadër, keni fituar një ekip, keni fituar një shoqëri të jashtëzakonshme, të atyre që vërtet duan të punojnë për qytetin. Ndaj, doja që mesazhi që duhet t’i japim kundërshtarëve tanë është se ata nuk kanë humbur. Mund të kenë problemet e tyre, mund të kenë përçarjet e tyre, mund të kenë nevojë për kandidatë më të mirë, mund të kenë nevojë për më shumë organizim, por ata nuk kanë humbur”, tha ai.

Veliaj shtoi se Partia Socialiste është sot partia më e disiplinuar, si dhe forca më e organizuar e më patriotike, duke filluar nga organizatat, tek drejtuesit e forumeve, patronazhistët dhe aktivistët, që ishin risia e kësaj fushate.

M.Q./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • ylli: 03/06/2023 15:07

    me menge te perveshura te betonizojme tiranen....vdeksh sa me shpejt....

    Përgjigju
  • Sondazhi i ditës:

    Sipas jush, a duhet që KFOR të marrë në kontroll veriun e Kosovës?



×

Lajmi i fundit

VIDEO/ 'Hirushja' e Premier League befasohet në udhëtim, Aston Villa i shënon gjashtë gola

VIDEO/ 'Hirushja' e Premier League befasohet në udhëtim, Aston Villa i shënon gjashtë gola