POP 5

Lajmet më të lexuara të 5 minutave të fundit

Politikë

Veliaj në Njësinë 8: Hapja e partisë do na sigurojë fitore absolute për mandatin e katërt të Edi Ramës dhe të PS-së

Gjatë fushatës së anëtarësimeve të reja në Njësinë 8 në Tiranë, Drejtuesi Politik i PS për Qarkun, Erion Veliaj shprehu bindjen se falë kësaj hapje të partisë, PS do të shkojë drejt një fitoreje absolute për mandatin e katërt të Edi Ramës në krye të punëve të vendit.

Veliaj në Njësinë 8: Hapja e partisë do na sigurojë fitore absolute për mandatin e katërt të Edi Ramës dhe të PS-së

Kryebashkiaku Erion Veliaj dhe deputetja Kodheli në njësinë 8

Edhe pse na ndajnë një vit nga zgjedhjet parlamentare të 2025, Partia Socialiste në kryeqytet ka ndezur motorët për të siguruar një mandat tjetër. Gjatë fushatës së anëtarësimeve të reja në Njësinë 8 në Tiranë, Drejtuesi Politik i PS për Qarkun, Erion Veliaj shprehu bindjen se falë kësaj hapje të partisë, PS do të shkojë drejt një fitoreje absolute për mandatin e katërt të Edi Ramës në krye të punëve të vendit.

“Të rinjtë që futen në organizatat tona sjellin një energji të jashtëzakonshme, sjellin freski, sjellin përvoja, sjellin edhe disa pyetje që rinia ka sot, për të cilat ne nuk duhet të humbasin kurrë kontaktet. Pulsi i partisë rreh njësoj si pulsi i Tiranës dhe pulsi i Shqipërisë dhe nëse ne mund të mbajmë këtë frymë hapje, ne do shkojmë patjetër në një fitore absolute për mandatin e katërt të Edi Ramës dhe partisë tonë, familjes tonë socialiste”, deklaroi ai.

Veliaj nënvizoi se bashkë me prurjet e reja lind edhe nevoja për një riformatim të partisë. 

“Ne sot jemi në ditët tona më të mira, jo vetëm si qytet, por edhe si parti. Nuk është mëkat të mendosh ndryshe, ashtu siç nuk është mëkat të ndërrosh mendje. Në qoftë se dikush ka menduar ndryshe, shumë mirë. Nëse ka ndërruar mendje dhe është bërë me ne, akoma më mirë. Ndaj, gjithë fryma duhet të jetë për të përqafuar këdo që bashkohet, e këdo që mund të na japë një kontribut. Fakti që PS, pas atyre viteve të vështira në opozitë është sot në mazhorancë, do të thotë se shumë njerëz që nuk na votonin, pra votonin dikë tjetër, ndërruan mendje. PS ka vend për të gjithë”, theksoi ai.

B.V/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Tensionohet protesta te Sheshi Uilson, Bledjon Nallbati kapet pas autobotit të ujit! Dhjetëra efektivë e rrethojnë, ujë dhe spraj me piper, përparon Policia

Tensionohet protesta te Sheshi Uilson, Bledjon Nallbati kapet pas autobotit të ujit! Dhjetëra efektivë e rrethojnë, ujë dhe spraj me piper, përparon Policia

26 Nëntor, 18:25