POP 5

Lajmet më të lexuara të 5 minutave të fundit

Arkiva

Veliaj në njësinë nr. 8: Do të rehabilitojmë infrastrukturën

TIRANË, 29 Maj /ATSH-Z.Tosku/- Rehabilitimi i të gjitha rrugëve të degraduara, vendosja në funksion të plotë e sistemit të kanalizimeve, rehabilitimi i shkollave, çerdheve dhe rikthimi i hapësirave publike, ishin zotimet e kandidatit të koalicionit të majtë për Bashkinë e Tiranës, Erion Veliaj, në njësinë 8, në kryeqytet. Në aktivitetin e zhvilluar pasditen e sotme, kandidati […]
/ATSH-Z.Tosku/- Rehabilitimi i të gjitha rrugëve të degraduara, vendosja në funksion të plotë e sistemit të kanalizimeve, rehabilitimi i shkollave, çerdheve dhe rikthimi i hapësirave publike, ishin zotimet e kandidatit të koalicionit të majtë për Bashkinë e Tiranës, Erion Veliaj, në njësinë 8, në kryeqytet.

Në aktivitetin e zhvilluar pasditen e sotme, kandidati i majtë theksoi se vetëm në njësinë 8 janë identifikuar 143 probleme, të krijuara gjatë katër viteve të fundit në kryeqytet.
Në lidhje me çështjen e infrastrukturës, Veliaj tha se "kemi identifikuar 6 hapësira parkimi të cilat do të çlirohen pas 21 qershorit. 11 hapësira publike do t'i kthehen fëmijëve të qytetit, pasi këta fëmijë të njësisë 8 do të marrin mbrapsht hapësirat që i takojnë".

Më tej, Veliaj shpjegoi se në 300 ditët e para të qeverisjes së tij, do të kryhen 22 ndërhyrje në njësinë 8, prej të cilave parësore do të jetë çështje e kanalizimeve, shkollave dhe çerdheve.

Sakaq, kandidati i majtë tha se "do të rikonstruktohet shkolla "Siri Kodra", Servete Maçi" dhe kopshti nr. 6, kopsht për të cilën janë ankuar shumë prindër për kushte të këqija dhe kjo do të shoqërohet edhe me ndërtimin e një kopshti të ri, në lagjen "Rruga 5".

Në këtë takim ishte i pranishëm edhe deputeti socialist për Qarkun e Tiranës, Eduard Shalsi, i cili apeloi ndaj banorëve që të votojnë Erion Veliaj. "Ju do të votoni një Erion që është i gatshëm të përballet me sfidat, i aftë t'i japë zgjidhje problemeve. Ka një arsye pse Erion Veliaj do të jetë në krye të Bashkisë së Tiranës: Ai ka një plan të qartë për një të ardhme më të mirë dhe të begatë për të gjithë qytetarët e Tiranës", apeloi Shalsi. /

/Shqiptarja.com
  • Sondazhi i ditës: 16 Janar, 08:35

    Dhëndri i Trump investitor strategjik për resort në Sazan, si iu duket?

Lajme të tjera



×

Lajmi i fundit

Mashtrues pas telefonit po vjedhin llogaritë e qytetarëve, Shoqata e Bankave: Kujdes, mos jepni të dhënat

16 Janar, 20:45 nga Eliza Gjediku