POP 5

Lajmet më të lexuara të 5 minutave të fundit

Arkiva

Veliaj prezanton buxhetin 2015 me grupet e interesit: Rriten pagesat për shtresat në nevojë

TIRANË, 12 Nëntor/ATSH-Z.Tosku/-Shqipëria shpenzon rreth 130 miliard lekë ose 27 për qind të buxhetit të shtetit për mirëqenien sociale. Në prezantimin publik të projektbuxhetit për vitin 2015, Ministri i Mirëqenies Sociale dhe Rinisë, Erion Veliaj, deklaroi sot se ky buxhet nuk është thjesht më i madhi i planifikuar për MMSR-në, por në terma krahasimorë është […]
Shqipëria shpenzon rreth 130 miliard lekë ose 27 për qind të buxhetit të shtetit për mirëqenien sociale.

Në prezantimin publik të projektbuxhetit për vitin 2015, Ministri i Mirëqenies Sociale dhe Rinisë, Erion Veliaj, deklaroi sot se ky buxhet nuk është thjesht më i madhi i planifikuar për MMSR-në, por në terma krahasimorë është 4.6% më i lartë se buxheti i akorduar për vitin 2014, ose 3.3 miliard lekë më shumë se ai i vitit që shkoi.
Në fjalën e tij, Veliaj u përqendrua veçanërisht te buxheti për shtresat në nevojë dhe reformën e pensioneve, duke theksuar faktin se 2014 ishte viti i parë pas pesë vitesh ku personat me aftësi të kufizuara morën në kohë pagesat e tyre, e kjo do të vazhdojë pa ndërprerje edhe në vitet e tjera.

Sipas ministrit Veliaj, për shtresën e PAK dhe ndihmës ekonomike në buxhetin e vitit 2015 janë përcaktuar 20 miliard lek.

Ai shtoi se falë mbështetjes nga buxheti, vitin tjetër do të rishikohet i gjithë modeli i vlerësimit të aftësisë së kufizuar në vend në përputhje me modelin e ri bio-psiko-mjekësor të vlerësimit.

Ai nënvizoi se në vijim të zbatimit të skemës pilot të ndihmës ekonomike në tre qarqet e vendit, vitin tjetër, pas korrigjimeve të ndërmarra në bazë të të dhënave të nxjerra nga sistemi pilot, do të fillojë edhe shtrirja e skemës në të gjithë vendin. Ndërkaq, pjesë e skemës së ndihmës ekonomike për vitin 2015 do të jetë dhe rimbursimi i çmimit të energjisë elektrike me një vlerë shtesë të parashikuar në buxhetin e MMSR prej 16 miliard lekësh.

Lidhur me reformën e pensioneve, ministri Veliaj tha se falë kësaj reforme dhe heqjes së pensionit tavan, do të mundësohet që nga 1 janari çdo shqiptar të përfitojë pensione më të larta. Formula e re, pension social plus 1% të pagës për çdo vit sigurimi shpërblen ata që deklarojnë të gjitha vitet me pagën reale. Gjithashtu, për herë të parë do të kemi aplikimin e skemës së pensionit social nga i cili pritet që në vitin e parë të përfitojnë rreth 5000 qytetarë.

Ai e cilësoi si një lajm të mirë faljen e kamatvonesave për efekt të pagimit të kontributeve të sigurimeve shoqërore për banorët e fshatit, duke u bërë thirrje 290 mijë të vetëpunësuarve në bujqësi që të shfrytëzojnë ditët e mbetura deri në 31 dhjetor për të shtuar vitet e sigurimit të tyre duke paguar kontributet me një çmim shumë të ulët

ATSH

/Shqiptarja.com
  • Sondazhi i ditës: 16 Janar, 08:35

    Dhëndri i Trump investitor strategjik për resort në Sazan, si iu duket?

Lajme të tjera



×

Lajmi i fundit

Sondazhi/ Nëse votohet sot, PS merr më shumë se 50% të votave, mazhoranca më e pëlqyer në emigracion

16 Janar, 22:52