Veliaj takim me sipërmarrës në Rrogozhinë: Luli, kukull në duart e Ilir Metës! Nuk voton dot as veten sepse i ka skaduar karta e identitetit (VIDEO)

Drejtuesi Politik i PS-së në Qarkun e Tiranës, Erion Veliaj, e ka cilësuar kreun e PD-së Lulzim Basha, si një kukull në duart e Ilir Metës.

Më tej Veliaj tha gjatë një takimi me sipërmarrës në Rrogozhinë, se Basha nuk voton dot as për veten e tij në 25 Prill sepse i ka skaduar karta e identitetit.

“Imagjino të kesh një lider që fle gjumë, që zgjohet në orën 11 dhe që e trajtojnë si kukull. Se ç’punë kishte Lul Basha t’i vinte mbrapa Ilir Metës për një zyre partie 300 mijë lekë, ku ishte lideri? Është i dobët! Se kur nuk të voton as gruaja jote, nuk je lider i forte. I skadon karta dhe nuk voton dot as për veten. Tani kërkon shtyrjen e afatit të kartave. Do ta bëjmë shtyrjen e afatit, por ne mendonim se do e bënim për popullin, jo për këtë që do kandidojë për kryeministër pa kartë, pa patentë.-tha Veliaj.

LEXO EDHE:
Rienergjizimi i PS-së/ Rama zhvillon takimin e dytë me të rinjtë e Akademisë Politike

Ai i bëri thirrje komunitetit të Rrogozhinës që të mendojnë për interesin e tyre dhe të ardhmen e fëmijëve, jo për njerëz që duan të rikthejnë të shkuarën.

“Partitë e tjera ofrojnë të shkuarën, rikthimin e Saliut, Fatmir Mediut, të Shpëtim Idrizit, të Dules, njerëz që nuk i lidh asgjë. Monarkisti me republikanin, PDIU me partinë e grekëve - nuk i lidh asnjë gjë, i lidh vetëm interesi për karrige. Ndërsa ne këtu na lidh interesi për Rrogozhinën, për familjet tona dhe për të gjithë qarkun e Tiranës”, theksoi Veliaj.

M.Q./b.ha./Shqiptarja.com

TAG:
• LSI
• PS
• Ilir Meta
• erion veliaj
• lulzim basha
• PD
• zgjedhjet parlamentare 2021