Një 19- vjeçar ka përfunduar në pranga pasi ka tentuar të kryej marrëdhënie seksuale me forcë me një të mitur.

B.M, është arrestuar ditën e djeshme, pas denoncimit të bërë nga 15- vjeçarja A.K, se 19- vjeçari kishte tentuar ta përdhunonte në plazhin e Velipojës.

Mbi të arrestuarin rëndon akuza e “Marrëdhënieve seksuale ose homoseksuale  me dhunë me të mitur të moshës 14-18 vjeç”, e mbetur në tentativë.

Njoftimi i policisë:
Tenton të kryejë marrëdhënie seksuale me forcë me një shtetase të mitur, arrestohet nga Policia.

Më datë 15.08.2017, shërbimet e Stacionit të Policisë Velipojë bënë arrestimin në flagrancë të shtetasit:

B. M, 19 vjeç, banues në Lezhë.

Arrestimi i tij u bë pasi shtetasja A. K,15 vjeçe, banuese në Velipojë, Shkodër, ka bërë kallëzim se shtetasi B.M, ka tentuar të kryente marrëdhënie seksuale me forcë në plazh në Velipojë.

Materialet i kaluan Prokurorisë së Rrethit Gjyqësor Shkodër, për veprën penale ”Marrëdhënie seksuale ose homoseksuale me dhunë me të mitur të moshës 14-18 vjeç" e mbetur në tentativë, parashikuar nga neni 101 e 22 i Kodit Penal.

Redaksia Online
D.T/Shqiptarja.com