POP 5

Lajmet më të lexuara të 5 minutave të fundit

Politikë

Vendet bosh, 16 deputetët e
rinj, mandatet në shtato

Shtatori do të vendosë edhe “rregullin” në Parlamentin e ri. Ministrat e rinj pritet që së pari të japin dorëheqjen nga mandati i deputetit dhe më pas të emërohen në postet e kabinetit qeveritar. Vakancat në Parlament, brenda shtatorit.
TIRANE - Pas çertifikimit të 140 deputetëve zyrtarë të dalë nga zgjedhjet e 23 qershorit, pritet që 16 prej tyre të japin dorëheqjen në javën e parë të shtatorit për shkak të mandatimit të tyre në postet e ministrave të kabinetit të ri qeveritar. Kjo sipas qëndrimit të shprehur dhe nga kryeministri Edi Rama. Lënia e mandatit të deputetit si dhe marrja e postit të ministrit kalon në disa faza, të cilat janë të përcaktuara në Kodin Zgjedhor si dhe në Rregulloren e Parlamentit.

Çdo procedurë do të nisë pas verifikimit të listave zuyrtare nga KQZ për deputetët përkatës në koalicion, listë kjo që shkon në selitë e partive. Pranë dy selive të partive që kanë dhe deputetët që do të bëhen ministra, PS dhe LSI, jepen aktet e dorëheqjeve që depozitohen me pas në institucionin zgjedhor. Do të jetë pikërisht Parlamenti që do të shpallë dhe vakancat e deputetëve, si dhe KQZ ajo që çon emrat vijues në listat zgjedhore të PS dhe LSI në Parlament. Që në seancën e parë të Parlamentit, ngrihet komisioni i verifikimit të mandateve që bën procedurën.

Pas verifikimit të mandateve dhe betimit të tyre, vetëm pas këtij momenti, Edi Rama do t`i drejtohet parlamentit për t`i paraqitur qeverinë, seancë kjo ku do të jenë të pranishëm dhe 16 deputetët e rinj. Grupi Parlamentar i Partisë Socialiste do të ketë 12 emra të rinj ndërsa ai i LSI, 4 deputetë. Lëvizjet më të mëdha për PS-në janë në qarkun e Tiranës, ku katër deputetë, Sajmir Tahiri, Ditmir Bushati, Lindita Nikolla dhe Milena Harito do të lënë mandatin. Pas Tiranës, qarqet me më shumë lëvizje janë Fieri dhe Gjirokastra, me nga dy deputetë që lënë mandatin.

Në Fier largohen Ilirjan Celibashi dhe Eglantina Gjermeni, ndërsa në Gjirokastër pritet të lënë mandatin e deputetit Erjon Veliaj dhe Arben Ahmetaj. Sa i përket Lëvizjes Socialiste për Integrim, kjo forcë politike do të ketë katër deputetë, të cilët do të lënë mandatin. Në qarkun e Tiranës, Klajda Gjosha, e cila do të marrë postin e ministres së Integrimit. Në Berat do të lërë mandatin e deputetit Nasip Naço, në Durrës pritet të lërë mandatin deputeti Lefter Koka, ndërsa në Elbasan pritet të japë dorëheqje nga mandati i deputetit Edmond Haxhinasto.

16 DEPUTETET QE ZEVENDESOJE MINISTRAT

Në qarkun e Tiranës do të marrin mandatin e deputetit Enkelejda Shkreli (e cila ka qenë edhe në sesionin e shkuar parlamentar), Ervin Bushati, Blerina Gjylameti si dhe Erjeta Alhysa. Në Fier do të jetë sërish Anduel Xhindi si dhe për herë të parë Adelina Rista. Në qarkun e Gjirokastrës,dy deputetët zvendësohen me Vladimir Kostën dhe Dashamir Kamberin. Ndërsa LSI do të sjellë në Kuvend Kejdi Mehmetajt deputeten më të re, në Berat pritet që deputet për herë të parë të vijë Selfo Kapllani, në Qarkun Durrës pritet që të marrë mandatin e deputetit Bujar Derveni, ndërsa në Qarkun e Elbasanit mandatin e deputetes do ta marrë Miranda Rira.

Ky shkrim u botua sot në Shqiptarja.com, versioni print, dt.04.08.2013
Redaksia online
(ar.sh/shqiptarja.com)
 

 
 
 

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Vota e diasporës/ Celibashi jep detajet: Ja si funksionon regjistrimi! Asnjë votues nuk penalizohet, mund të riaplikojnë disa herë nëse kërkesa u refuzohet

Vota e diasporës/ Celibashi jep detajet: Ja si funksionon regjistrimi! Asnjë votues nuk penalizohet, mund të riaplikojnë disa herë nëse kërkesa u refuzohet

11 Janar, 12:34