Emetimet e karbonit në vitin 2021 po rriten tek 20 vendet më të pasura në botë. Sipas raporti të Transparencës Klimatike, CO2 do të rritet me 4% në të gjithë grupin G20 këtë vit. Ndërkohë që gjatë pandemisë niveli i CO2 ka rënë me 6%. Ndërkohë, Kina, India dhe Argjentina pritet të tejkalojnë nivelin e emetimeve të viti 2019.
Pas dy javësh, Mbretëria e Bashkuar pret një samit ku fokusi kryesor do jetë nëse vendet e G20 do të vënë në kontroll ndryshimin e klimës. Një nga qëllimet kryesore të samitit do jetë marrja e masave për të mbajtur temperaturën deri në pragun 1.5 gardë celsius.
Aktualisht bota është rreth 1.1 gradë Celsius më e ngrohtë se kohët para-industriale dhe kufizimi i rritjes së temperaturës është jashtëzakonisht sfiduese. Nëse samiti do të ketë sukses, atëherë vendet do të duhet të vendosin politika ambicioze për të kufizuar CO2.
![](https://shqiptarja.com/template/img/NO_ALFA_Kuadrate shqiptarja.png)
Grupi vendeve G20 është përgjegjës për rreth 75% të emetimeve globale. Sipas raportit, përdorimi i qymyrit në G20 parashikohet të rritet me 5% këtë vit. Kjo do ndodhë për shkak të Kinës që është përgjegjëse për rreth 60% të rritjes. Përdorimi i qymyrit në Kinë është rritur me rritjen e kërkesës për energji, ndërsa ekonomia globale është rimëkëmbur.
Por një rritje e ndjeshme e qymyrit po ndodh gjithashtu në SHBA dhe Indi. Çmimet e qymyrit janë rritur gati 200% nga një vit më parë.
Sa i përket gazit, Raporti i Transparencës Klimatike thotë se përdorimi i tij është rritur me 12% në të gjithë G20, përkatësisht në periudhën 2015-2020.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)