BAHREIN, Manama - Në Manama, kryeqytetin e Bahreinit është duke u mbajtur Botërori i Peshëngritjes. Në këtë turne garojnë edhe sportistët nga Shqipëria, me Briken Caljan që ia doli të ngrinte 153 kilogramë në stilin e shkëputjes, duke zënë vendin e katërt në botë.

Kampioni shqiptar nuk mundi të çonte lart asnjë nga tre tentativat për 183 kilogramë në shtytje, duke mos u futur në zonën e medaljes për pak. Pas garës ai ka reaguar në kanalet e komunikimit duke iu kthyer një përgjigje të gjithë atyre që e quajnë vendin e katërt në shkëputje një dështim.

"Është e trishtë të shohësh që përpjekja dhe djersa e një sportisti minimizohen kaq lehtë nga disa persona. Vendi i 4-t në botë në shkëputje është rezultat i një pune të palodhur, sakrificave të pafundme dhe pasionit për sportin. Le të mos harrojmë se bota numëron 8 miliardë njerëz dhe të jesh mes më të mirëve nuk është kurrë dështim. Për ata që e quajnë këtë një dështim, ju ftoj të ecni në rrugën time qoftë edhe për një ditë. Kritikat dashakeqe nuk më ndalin, vetëm më japin forcë për të shkuar më lart", shkruan Brikeni në kanalet e komunikimit pas garës.

Sot, në Baterinë B për peshën deri në 81 kilogramë do dalin në pedanë dy peshëngritësit e tjerë kuqezi, Erkand Qerimaj dhe Kristi Ramadani.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 11 Dhjetor, 07:30

    Çfarë vlerësimi keni për drejtimin e SPAK nga Altin Dumani?

Lajme të tjera