POP 5

Lajmet më të lexuara të 5 minutave të fundit

Politikë

Vendimi i KQZ, Erion Braçe:
Berisha po i vë zjarrin vendit

Deputeti i PS, Erion Braçe ka reaguar pas vendimit të KQZ për të hapur kutitë në qarkun e Lezhës e Shkodrës.
TIRANE - Deputeti i PS, Erion Braçe ka reaguar pas vendimit të KQZ për të hapur kutitë në qarkun e Lezhës e Shkodrës. “24 ditë pas dorëzimit të kutive me fletët e votimit në magazinat e tij e që administrohen nga ai, KQZ e PD po ndryshon rezultatin e zgjedhjeve! Pas 24 ditësh në bodrumet e tij, po gjen fletët e votimit që nuk i kanë gjetur 4 numërues e 7 komisionerë duke përfshirë dhe komisionerët e numëruesit e partisë e koalicionit të tij! Ky është krim”, tha Braçe.

Sipas tij në Lezhë, para ditës së zgjedhjeve janë rrëmbyer e rrahur komisionerët e opozitës, ditën e zgjedhjeve janë vrarë njerëz të opozitës, qendrat e votimit për orë të tëra kanë qëndruar pa komisionerët e opozitës; në qendrat e votimit janë kthyer mbrapsht të kërcënuar me armë votues të opozitës, kanë “votuar” masivisht votues që s’kanë shkelur në Shqipëri prej vitesh.

“Në Lezhë ka ndodhur krim e krimi nga dhunimi barbar deri në vrasje ka ndodhur ndaj opozitës! KQZ me 4 njerëz, të gjithë të Partisë së Berishës, përsëritës si Osmani, Shtjefni e Zguri: po kryen krim! Po ndryshon qartësisht vullnetin e zgjedhësve! Ky krim po shkatërron zgjedhjet dhe po e çon vendin drejt një konflikti që s’do ketë fund!” akuzon Braçe.

Shkrimi u botua sot në gazetën Shqiptarja.com (print) 20.07.2013
 
Redaksia Online
(b.m/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Aksi Elbasan-Lekaj/ Nënshkruhen 6 kontratat me vlerë 148 mln euro, punimet do zgjasin 24 muaj

Aksi Elbasan-Lekaj/ Nënshkruhen 6 kontratat me vlerë 148 mln euro, punimet do zgjasin 24 muaj

11 Janar, 10:43