'Venecia' në Tiranë për anti-shpifjen, Cukali: Mbajtën shënim ankesat tona! Nesër nisma për vetërregullim

TIRANE-Mbërritja e delegacionit të Komisionit të Venecias në Shqipëri për paketën anti-shpifje ka rikthyer edhe njëherë në qendër të vëmendjes debatin për nismën e shumicës. Ekspertët e 'Venecias' dje dhe sot në Tiranë kanë takuar përfaqësues të politikës nga të gjitha kampet, por edhe të organizatave të medias, mes tyre Koloreto Cukalin, kryetar i Këshillit të Medias, i cili ishte i ftuar në studion e Report Tv së bashku me analistin Mujo Buçpapaj përballë gazetarit. Cukali u shpreh se ekspertët e 'Venecias' mbajtën shënim të gjitha kritikat e tij për ligjin, ndërsa theksoi se problemin sipas tij e zgjidh vetërregullimi dhe për këtë nesër do të ketë një nismë.

"Ishte një takim surreal, pas një viti që takohemi me përfaqësuesit e qeverisë. Një përvojë poshtëruese. Pas një shurdhërie të tillë, pamë njerëz që janë gati të dëgjojnë dhe të mbajnë shënime dhe që e kuptojnë thelbin e problemit. Ata, ankesat që paraqitëm ne, i perceptuan shumë mirë, bënë pyetje me shumë vend, na kërkuan edhe opinione. Tregu ka nevojë për vetërregullim dhe jo për ligj.

Ky nuk është ligj për median dhe shpifjen, por për AMA-n. Po të kishim një ligj për median, e ekzekutonte gjykata.  Një nga problemet e mëdha është moderimi i komenteve dhe ky ligj nuk i trajton. U thamë pikat pse ligji nuk qëndron, se AMA merr rolin e një gjykate. Nuk besoj, por nëse do të miratohet do të ketë një autocensurë, gazetarët nuk do të shkruajnë më. Do i ndjekim të gjithë hapat ligjorë. Nesër në 11:30 do të mblidhen bashkë për të propozuar një mekanizëm vetërregullimi" tha ai. Ndërkohë që analisti Mujo Buçpapaj u shpreh se 'Nisma duhet të jetë e bazuar në ligj. Është i domosdoshëm një kontroll, mënyrë që të bëhet serioze për portalet, por duhet të jetë e bazuar në ligj".  

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

VIDEO/ Kanali i mbushur me kastravecë, fermerët në Berat hedhin prodhimin

VIDEO/ Kanali i mbushur me kastravecë, fermerët në Berat hedhin prodhimin