POP 5

Lajmet më të lexuara të 5 minutave të fundit

Bota

Venecia ‘vendos traun’ për turistët, tarifa deri në 10 euro

Venecia, qyteti i intrigave të pafundme dhe shumë vizitorëve, po kërcënohet nga plagë sociale dhe turizmi i shfrenuar. Brezi i ri dhe çiftet e sapomartuar po largohen nga qyteti pasi në Venecia nuk ndërtohet kurse kroçierat po ndotin ajrin dhe ujin.

Romantike dhe magjepsëse, Venecia është ëndërr për mijra turistë që vijnë në qytet çdo ditë për të përjetuar eksperienca të reja. Por qyteti i intrigave të pafundme dhe i shumë vizitorëve, po kërcënohet nga plagë sociale dhe turizmi i shfrenuar. Brezi i ri dhe çiftet e sapomartuara po largohen nga qyteti pasi në Venecia nuk ndërtohet dhe askush nuk u jep atyre shtëpi me qera.

Për shumë që jetojnë këtu, jeta është bërë e padurueshme edhe prej dinamikës së shfrenuar prej turizmit. Më shumë se 500 kroçiera në vit, duke kaluar nëpër kanalet e ngushtë të qytetit, shkaktojnë një lloj cunami që përplaset në fasadat dhe themelet e ndërtesave monumente, duke i dëmtuar ato.

Një tjetër problem për venecianët është ndotja e shkaktuar nga anijet turistike që emetojnë në ajër dyoksid karboni ndërsa në ujë dyoksid squfuri. Për shumë banorë, tubimet janë e vetmja mënyrë që zërat e tyre të dëgjohen. Grupe aktivistësh kanë nisur të protestojnë jo vetëm për anijet por dhe për zbrazjen e qytetit nga të rinjtë, problemet mjedisore dhe strehimin.

Administrata e qytetit ka vendosur që për vitin 2019 të vendosë “traun” në hyrje të Venecias. Që prej muajit janar, vizitorët duhet të paguajnë një biletë hyrje, që varion nga 2.5-5 euro, në varësi të stinës.

Por tarifa mund të arrijë edhe në 10 euro në periudhat e pikut të sezonit turistik. Administrata e qytetit beson se mund të përfitojë të ardhura shumë më të mëdha sesa nga taksa e turizmit e deri më tanishme dhe mendon që ti përdorë ato për të ulur sadopak tensionet sociale.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 18 Janar, 08:40

    A duhen bërë publik emrat e politikaneve që kanë përdorur Sky Ecc?

Lajme të tjera



×

Lajmi i fundit

Arrestohet anëtari i klanit Duka: Elvis Gaçaj, vite më parë u dyshua dhe për vrasjen e Santiago Malkos

Arrestohet anëtari i klanit Duka: Elvis Gaçaj, vite më parë u dyshua dhe për vrasjen e Santiago Malkos

18 Janar, 13:28