"Vetëdeklarimi",PD:KQZ s'publikon
formularët, shkel ligjin, mbron krimin

Partia Demokratike përmes nënkryetarit të grupit parlamentar,. Edi Paloka ka akuzuar Komisionin Qëndror të Zgjedhjeve se ka shkelur ligjin dhe se po mbron interesat kriminale, pasi nuk ka publikuar formularët e vetëdeklarimit.
 
Në një dalje të posaçme poër mediat, Paloka ka thënë se, afati tashmë ka skaduar dhe në faqen zyrtare formularët nuk janë publikuar ashtu siç e përmban dhe ligji, ndryshe nga sa KQZ ishte urdhëruar nga Kuvendi.
 
Paloka ka shtuar se pa publikuar është edhe lista e funksionarëve që nuk e kanë depozituar formularin e vetëdeklarimit, ku tha se janë 40 këshilltarë të mazhorancës, duke i kërkuar KQZ-së që të zbatojë ligjin dhe të mos bëjë pakt me krimin.

Ja deklarata e plotë e Edi Palokës
Sot ka skaduar afati ligjor i Komisionit
Qëndror të Zgjedhjeve për të publikuar në faqen e tij zyrtare, formularët e dekriminalizimit.
Nëse futeni tani në faqen zyrtare të KQZ, CEC.ORG.AL, do të zbuloni se ky institucion ka shkelur ligjin e dekriminalizimit, duke mos i publikuar të dhënat, pra formularët e vetëdeklarimit, siç e ka detyrim, sipas vendimit numër 17/2016 të Parlamentit.
Kuvendi i Republikës e ka urdhëruar KQZ që ta bëjë këtë publikim, por KQZ nuk e ka bërë.
Shkelja e këtij urdhëri, është shërbimi që pjesa e kapur e këtij institucioni, i bën Edi Ramës dhe interesave kriminale.
Po ashtu, ka skaduar afati ligjor e publikimit të listës së funksionarëve që nuk kanë depozituar formularët e vetëdeklarimit, të cilët janë rreth 40 këshilltarë bashkiakë të mazhorancës.
40 funksionarë që po fshehin krimet e tyre.
Eshtë e qartë se këto nuk janë skandeca kohore, por pengesa kriminale për zbatimin e ligjit të dekriminalizimit.
Partia Demokratike i kërkon sot Komisionit Qendror të Zgjedhjeve të zbatojë ligjin, dhe jo paktin me krimin.
Të publikojë të dhënat e të mos fshehë krimet e të inkriminuarit.
Dekriminalizimi është një arritje e madhe e vendit dhe e qytetarëve, e vlerësuar nga ndërkombëtarët dhe nga Shtetet e Bashkuara si reformë model, dhe nuk mundet dhe nuk ka për tu ndalur dot nga Edi Rama dhe lefteritë e tij.
Çdo pengesë, çdo ndalim që i bëhet dekriminalizimit, është një vepër e rëndë penale, dhe ne i sigurojmë ata që e kryejnë këtë vepër penale se do të përgjigjen deri në një para ligjit.
 
Redaksia Online
(F.T/shqiptarja.com)

TAG:
• kqz