Tirane- Agjencia e Mbikëqyrjes Policore pritet të shpallë brenda pak ditësh vendimet për vettingun në Policinë e Shtetit, i cili prej muajsh po bëhet për 72 zyrtarë të lartë.
Burime të Report Tv bëjnë me dije se komisionet prej 3 anëtarësh janë në lëvizjet e fundit për të mbyllur dosjet e para, vendimet e të cilave do të shpallen në seanca publike, për qytetarët dhe median. Duke qenë jashtë afateve të përcaktuara që më herët, komisonet mësohet se kanë punuar edhe në ditët e fundjavës së shkuar, me synim që para datës 15 dhjetor të shpallen vendimet e para, një kërkesë e shtruar edhe e kreut të ri të AMP, Florian Sulejmani i cili mori detyrën pak ditë më parë.
Salla e seancave ku do të shpalosen gjetjet në vetting për subjektet policore do të jetë ajo e mbledhjeve në ministrinë e Brendshme, e cila ka hapësirën e mjaftueshme për përfshirjen e të gjitha palëve.
Seancat e ditëve të para do të jenë për 36 subjekte, mes të cilëve drejtorë në aparatin qendror të policisë dhe drejtoritë e qarqeve, shorti i të cilave është hedhur në muajin prill, por sipas burimeve pranë AMP akoma nuk janë vendosur emrat e parë. Deri në këtë fazë, nga prilli kur AMP nisi vettingun në nivelet drejtuese janë marrë 3 vendime pa hetim. I pari për Vehbi Bushatin, ish-drejtues i Lezhës, i cili hoqi dorë nga policia dhe mori detyrën administrative si këshilltar i kreut të policisë, Muhamet Rrumbullaku.
I dyti për Oltion Bistin, i cili fillimisht si drejtues i Operacionales ishte subjekt hetimi, por ulja në detyrë si specialist te Krimet në Volum e përjashtonte nga kontrolli. Bistri u arrestua disa ditë më vonë në muajin korrik. I njëjti kusht ishte edhe për ish-drejtuesen e Infrastrukturës, Nevila Xoxa. Vettingu në Policinë e Shtetit rikthehet në një periudhë të nxehtë për strukturën, e cila po përballet me SPAK, pas arrestimit të disa prej eksponentëve të saj në lidhje të ngushtë me krimin.
Po ashtu, së fundmi ministria e Brendshme u ka kërkuar efektivave plotësimin e një formulari ku të shprehen nëse kanë përdorur “SkyECC” apo “EncroChat”, bashkë me kohën dhe arsyen e përdorimit. Në rast se po, ministria e Rendit thotë se do të ketë përjashtim të menjëhershëm nga policia.
Rasti më i fundit i evidentuar është ai i Dedan Gjonit, shef krimesh në Komisariatin nr.6 që akuzohet nga SPAK si pjesë e grupit të Erzen Breçanit dhe Ervin Matës.
Komente
Lajme të tjera
-
Dosja 'Metamorfoza', caktohet gjyqtarja Etleva Deda që do të shqyrtojë dosjen
19 Nëntor, 10:04 -
Komisioni i Sigurisë/ Garda, AMP dhe SHISH më shumë fond për vitin e ardhshëm, do mbulohen pagat e reja!/ Deputetët e PD-së kërkojnë llogari për policinë brenda Parlamentit
8 Nëntor, 16:53 -
‘Metamorfoza’, GJKKO kalon për gjykim dosjen e Pëllumb Gjokës e 6 të tjerë
8 Nëntor, 10:36
-
SHBA i dhuron AMP-së sistemin të çështjeve 1,2 mln USD
11 Tetor, 17:31 -
Oltion Bistri i porositi për 1.3 mln euro, kontrata u zgjidh! GJKKO i kthen kompanisë së ndërtimit 5 apartamente, parapagesa i kalon shtetit
9 Tetor, 13:47 -
‘Metamorfoza’/ Seancë maratonë te GJKKO, avokatët përplasen me Dumanin për përgjimet e SKY ECC! 3 nga të pandehurit kërkojnë gjykim të shkurtuar
1 Tetor, 17:06 -
Dosja ‘Metamorfoza’/ SPAK i sekuestroi pasuritë ish-kreut të Operacionales Oltion Bistri, shtyhet gjyqi! Kompania ‘Arlis’ kërkon kthimin e 5 apartamenteve: Kontrata u prish!/
1 Tetor, 13:56 -
Rekursi/ Iu sekuestruan 3.1 mln euro pasuri, Ish shefi i Operacionales, Oltion Bistri kërkon zhbllokimin në Gjykatën e Lartë
29 Shtator, 13:32 -
SPAK i sekuestroi ish-shefit të Operacionales 5 apartamente, firma ‘Arlis Konstruksion’ kërkon rimarrjen e pronave të Oltion Bistrit
17 Shtator, 18:30 -
Zyrtarë të Ambasadës së SHBA takohen me kreun e AMP, Sulejmani: Mirënjohje për mbështetjen
23 Korrik, 18:19 -
TIMS/ Dëshmon me dyer të mbyllura drejtoresha e SHISH! Hyseni hedh poshtë akuzat e Salianjit: S'jam shmangur, isha në Bruksel
2 Korrik, 10:52 -
'Metamorfoza'/ Dështon sërish seanca paraprake, shkak mungesa e njërit prej avokatëve
21 Qershor, 12:44
E pershendes nismen per vetingun ne polici,dhe sidomos kalimin ne veting dhe kreret e policive ne rrethe.Sa me shpejte te fillohet aq me shpejte do shpetohet policia nga keta tipa qe nuk kuptojne ku i gjejne leket qe kane blere mjete si motor me vlere 200 mije Euro dhe Renxhe 2022 me vlere 150 mije Euro.Dhe me vila.Ku i ka gjetur lek ky oficer Policicis i Kufirit ne Sarande qe ka bere keto prona marramendeshme.Sepse me rroge keto prone nuk je ne gjendje ti besh.AMP ti hedhi syte dhe ne rrethe.
Përgjigju