POP 5

Lajmet më të lexuara të 5 minutave të fundit

Politikë

Vëzhguesit vendorë letër Berishës
e Ramës: Zgjidhni ngërçin e KQZ-së

Koalicioni i Vëzhguesve Vendorë i ka bërë një thirrje kritike dhe të ashpër, Sali Berishës dhe Edi Ramës - dy krerëve të forcave më të mëdha politike të vendit, për mungesën e pakuptimtë të vullnetit për të zgjidhur problemin e KQZ-së.
TIRANE - Koalicioni i Vëzhguesve Vendorë i ka bërë një thirrje kritike dhe të ashpër, Sali Berishës dhe Edi Ramës - dy krerëve të forcave më të mëdha politike të vendit, për mungesën e pakuptimtë të vullnetit për të zgjidhur problemin e KQZ-së dhe  përdorimin e pamoralshëm të këtij ngërçi për kredite politike.

"Koalicioni e konsideron të pakuptimtë mungesën e deritanishëm të vullnetit për ta zgjidhur këtë ngërç, madje është i pamoralshëm përdorimi i tij për përfitime elektorale apo kredite politike qoftë tek faktorët ndërkombëtarë, qoftë tek militantët apo aktivistët tuaj, apo, qoftë edhe përdorimi i tij i mundshëm si shkak për të justifikuar fitoren apo humbjen pas 23 qershorit”, - thuhet me shqetësim në letrën e hapur publike që Koalicioni i Vëzhguesve Vendorë ka shpërndarë në redaksitë e medias.

Koalicioni konstaton "me keqardhje" se Kodi Zgjedhor i ndërtuar dhe i miratuar nga dy partitë që drejtojnë është "një Kod i cili varet kryekeput në çdo hallkë të tij nga vullneti politik, duke vënë pikëpyetje serioze mbi zbatimin e ligjit dhe ndërtimin e shtetit ligjor aq shumë të përmendur në programet tuaja politike.”

Në përfundim të Letrës Koalicioni i drejtohet dy liderëve:

“Koalicioni i Vëzhguesve Vendorë nxit kurajon dhe vizionin tuaj për të kapërcyer interesat e ngushta partiake dhe ngërçet e panevojshme, duke u orientuar drejt interesit afatgjatë në të mirë të të gjithë shqiptarëve për ndërtimin e shtetit ligjor, të institucioneve të konsoliduara e të pavarura, në funksion të interesave dhe të të drejtave të qytetareve.

Koalicioni fton kryeministrin e kreun e opozitës të gjejnë kurajon dhe vullnetin e duhur duke sjellë frymën e bashkëpunimit dhe të vlerësimit reciprok, duke e futur ecurinë e mëtejshme të procesit zgjedhor në shtratin e duhur ligjor si dhe duke nxitur më tej një fushatë të qetë, të qytetëruar si dhe të orientuar drejt përballjes së platformave programore dhe çështjeve konkrete në interes të qytetarëve.

Koalicioni Vëzhguesve Vendorë ka luajtur një rol aktiv në zgjedhjet e zhvilluara në Shqipëri vitet e fundit dhe është angazhuar për zgjidhjen e problemeve.

Në datën 15 prill, Kuvendi i Shqipërisë shkarkoi pas një një seance tepër të gjatë, komisionerin e LSI-së, Ilirjan Muhon. Më pas dhanë dorëheqjen dhe 3 anëtarët e propozuar nga opozita.

Redaksia online
(ar.sh/sg/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

Mali i Zi, kërkohet hetim ndërkombëtar për masakrën Cetinjës

10 Janar, 23:03