Tre të plagosur është bilanci i dy aksidenteve të ndodhura paraditen e së enjtes në rrugët e Qarkut të Lezhës. Aksidenti i parë ndodhi rreth orës 9 e 30 minuta në aksin Lezhë-Shkodër, në afërsi të fshatit Mabë, ku një automjet tip ‘Audi’ u përplas me një kamper në të cilin udhëtonin një çift turistësh gjerman.

Nga aksidenti mbeten të plagosura dy vajza të cilët me lëviznin me autoveturën ‘Audi’. Ato u dërguan për ndihmë mjekësore në Spitalin rajonal të Lezhës, ku ndodhen nën kujdesin e bluzave të bardha njëra prej të cilave në gjendje më të rëndë për shkak të frakturave të marra në disa pjesë të trupit.

Pak minuta më vonë një tjetër aksident u regjistrua në aksin rrugor Lezhë-Shëngjin, pranë lagjes "Sakë". Një motoçikletë në të cilën lëvizte një 31-vjeçar u përplas nga një automjet i cili u largua nga vendi i ngjarjes.

Nga aksidenti mbeti i plagosur drejtuesi i motoçikletës Marsido Pali, i cili u dërgua me urgjence në Spitalin Rajonal të Lezhës, ku pas marrjes së ndihmës së para mjekësore mësohet se ndodhet jashtë rrezikut për jetën. Ndërkohë policia po punon për identifikimin e automjetit që përplasi motoçikletën si dhe zbardhjen e shkaqeve dhe rrethanave të këtyre dy aksidenteve.

Në harkun kohor të dy ditëve në rrugët e qarkut të Lezhës kanë ndodhur 5 aksidente, me një bilanc të frikshëm 1 e vdekur dhe 8 persona të plagosur.

M.T/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 22 Dhjetor, 10:22

    Klodian Braho merr zyrtarisht detyrën, prisni ndryshim në punën e SPAK?

Lajme të tjera