Al Nassr fitoi 0-2 në fushën e Al Ittihad për raundin e katërt në elitën e futbollit të Arabisë Saudite dhe merr kreun e renditjes me 12 pikë të plota. Për vendasit trajneri Laurent Blanc la në tribunë mbrojtësin Mario Mitaj, kjo ndikuar nga numri i lartë i futbollistëve të huaj në ekip.

Miqtë ishin më kërkues në fushë dhe zhbllokuan ndeshjen që në minutën e nëntë me Sadio Mane. Sulmuesi senegalez mori një pasim nga Coman dhe zhbllokoi shifrat me supergol. Më pas, Mane bëri rolin e 'kamerierit' dhe në minutën e 35-të asistoi për Cristiano Ronaldon, me portugezin që tregoi se në moshën 40-vjeçare është në gjendje fizike të përsosur, duke shënuar për 0-2.

Ky ishte goli i 946 në karrierën e CR7 si profesionist, me objektivin që është numri 1000.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 3 Dhjetor, 08:56

    Çfarë mendoni për lëvizjen e Salianjit brenda PD?

Lajme të tjera