Kategoria e Parë e futbollit në Shqipëri ka nisur këtë të premte javën e 22-të me dy duele. Duke nisur nga 15:00, Apolonia fitoi me vuajtje 2-1 kundër Burrelit në "Loni Papuçiu", ndërsa Luzi mposhti pastër 2-0 Lushnjën.

Në "Loni Papuçiu" në Fier, Apolonia përmbysi ndeshjen në minutat e fundit. Kanë qenë miqtë që në minutën e 77 kaluan në avantazh me Kolecin, teksa Eneh në minutën e 81-të barazoi ndeshjen. Do duhej minuta e parë shtesë (90+1) që vendasit e Dovedan të gjenin golin e avantazhit me Mario Gjatën. Me 31 pikë, fierakët ngjiten përkohësisht në vendin e pestë, duke lënë pas humbjen me Skënderbeun. Burreli me 26 pikë mbetet në vendin e nëntë.

Në Luzin e Vogël, Luzi vendas fitoi 2-0 me Lushnjën. Goli i parë i ndeshjes u shënua në minutën e 8 nga Treni, teksa në minutën e 49 të ndeshjes ishte Gjinaj që dyfishoi rezultatin. Me 29 pikë, Luzi shkon në vendin e shtatë. Lushnja me 25 pikë mban vendin e 11-të dhe tre javë nga fundi rrezikon qëndrimin në Kategorinë e Parë.

Nesër dhe pasnesër luhen katër ndeshjet e mbetura për javën e 22-të, ndërsa kujtojmë se Tërbuni është përjashtuar nga Kategoria e Parë.

Kategoria e Parë - java 22:

E premte 15:00

Apolonia 2-1 Burreli

Luzi 2-0 Lushnja

E shtunë 15:00

Besëlidhja - Tomori

Flamurtari - Skënderbeu

E diel 15:00

Korabi - Oriku

Turbina - Dinamo

Renditja:

VIDEO: Luzi 2-0 Lushnja

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 14 Janar, 18:35

    Arratisja e Ndocit, mendoni se Burgjet kanë standardet e duhura të sigurisë?

Lajme të tjera