VIDEO/ Aston Villa nëntë ndeshje pa humbje në shtëpi, Arsenali bie 1-0 dhe humbet kreun e Premier League

Aston Villa mundi 1-0 Arsenalin në Birmingham, duke bërë që "Topçinjtë" të humbasin vendin e parë në Premier League. Për javën e 16-të sfida në "Villa Park" u zhbllokua pas vetëm shtatë minutave lojë nga McGinn. Një aksion nga e djathta e sulmit bëri që Bailey të pasonte bukur për shokun e tij, që me një lëvizje nxori blof mbrojtjen dhe e ndali sferën në rrjetë. Edhe pse "Topçinjtë" u përpoqën të barazonin ndeshjen, ishte VAR që në minutën e 90-të iu anulloi një gol pas prekjes së topit me dorë nga Nketiah. Me 36 pikë, Arsenali zbret në vendin e dytë, një pikë më pak se Liverpooli kryesues. Aston Villa me 35 pikë pozicionohet në vendin e tretë, teksa prej nëntë ndeshjesh nuk njeh humbje në shtëpi.

 

Lajmi kryesor:

GOLAT/ Liverpooli përmbys Palace në udhëtim dhe merr kreun e Premier League, Arsenali e pëson nga Aston Villa! Man. United turpërohet 0-3 në shtëpi

S.DH/Shqiptarja.com

TAG:
• premier league
• liverpool
• arsenal
• aston villa
• Manchester United
• Brighton