Në "Allianz Arena" Bayern Munich fitoi 2-0 me PSG-në në ndeshjen e kthimit për 1/8 e Champions League. Bavarezët edhe në ndeshjen e parë në Paris fituan (0-1), duke nxjerrë jashtë Messin me shokë. Ndeshja u zhbllokua nga Choupo-Moting në minutën e 61. Presioni i vendasve bëri që PSG të gabonte duke humbur topin në hyrje të zonës, me Goretzka që asistoi për golin e parë. Më herët po Choupo-Moting (52') e dërgoi sferën në rrjetë por VAR e konsideroi pozicion jashtë loje. Goli i dytë i ndeshjes u shënua nga Gnabry në minutën e 90 pas asistit të Cancelo. Megjithëse në fushë për PSG-në ishin Messi dhe Mbappe, francezët e Sheikëve dështojnë sërish në Champions League edhe këtë sezon. Me rezultatin e përgjithshëm 3-0, Bayern Munich pret biletën për në çerekfinalet e Ligës së Kampioneve.


Lajmi kryesor:

Dy fitore kundër PSG-së, Bayern Munich largon Messin nga Champions League! Milan 'kockë e fortë' në Londër, 'Djalli' në çerekfinale (VIDEO)
S.Dh/Shqiptarja.com
  • Sondazhi i ditës: 4 Janar, 22:15

    Arrestimi i Maduros, si e vlerësoni sulmin e SHBA-ve në Venezuelë?

Lajme të tjera