VIDEO/ Brazil, mbetën në ajër pas shembjes së skelës, 8 punëtorë përjetojnë momente tmerri

Tetë punonjës kanë përjetuar një tmerr të vërtetë, pasi nje skelë  u shemb në Sao Paulo në Brazil. Ngjarja e rëndë ndodhi teksa po ndërtonin një pallat në Sao Paulo, Brazil, në fillim të javës, në të cilën u raportua për një viktimë, pa cilësuar nëse punonjësi humbi jetën nga rënia e skelës.

Në pamje shihen momentet e tmerrit kur një grup punonjësish ndërtimi mbeten dëshpërimisht të varur në kavo çeliku nga lartësia e një ndërtese zyrash, pas shembjes së skelës që i mbante, raporton TheTelegraph.

Punonjësit e mbetur varur u shpëtuan më pas nga një vinç që u afrua me urgjencë, ndërsa një helikopter policie dhe disa mjete zjarrfikëse nuk mund t’i ndihmonin ato prej lartësisë së madhe. Një prej dëshmitareve të ngjarjes Lidiane Dias, tha se e gjithë drama kishte zgjatur rreth pesë minuta.

“Zhurma ishte e tmerrshme pas shembjes së skelës. E gjithë struktura ra poshtë, nga jashtë nuk shihej ku binin skelat e shembura sepse ishte brenda impjantit të ndërtimit”, tha njëri prej tyre. 

Autoritetet në Sao Paulo thanë se po hetojnë incidentin ku tetë punonjës mbetën të varur në kavon e çelikut. Në gusht një incident i ngjashëm ndodhi në Pakistan ku tetë njerëz u shpëtuan pasi mbetën të varur brenda kabinës së një teleferiku që pësoi avari. Rreth 10 orë u deshën për të shpëtuar grupin shkollor që po vizitonin provincën Khyber Pakhtunkhwa.

 

 

 

S.S/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Shpërthimi fatal për babë e bir në Lushnje, a keni siguri në vendin tuaj të punës?



×

Lajmi i fundit

Debati me Meritonin, Fation Kuqari merr vendimin, largohet nga BBV

Debati me Meritonin, Fation Kuqari merr vendimin, largohet nga BBV