VIDEO/ Celine Dion homazhe
për Parisin, salla shpërthen në lot

Ylli botëror i muzikës Celine Dion ka emocionuar qindra të ftuar mbrëmjen e djeshme, gjatë ceremonisë së ndarjes së çmimeve, me një interpretim të ndjerë në nder të viktimave që humbën jetën gjatë sulmeve terroriste në Paris.
 
Celine Dion ka përlotur qindra të ftuar që ndoqën 'live' përformancën e saj në ceremoninë e ndarjes së çmimeve American Music Awards.
 
Këngëtarja kanadeze dhuroi një interpretim emocionues në nder të viktimave që humbën jetën tragjikisht gjatë sulmeve në Paris në fillim të muajit.
 
Ylli botëror i muzikës këndoi në frengjisht 'Himnin e Dashurisë' të Edith Piaf's, ndërsa mbrapa shpinës së saj, në një ekran gjigand pasqyroheshin peizazhe të Parisit, në ditët e tij më të bukura dhe pas masakrës terroriste.
 
Në fund të performancës së ndjerë, e gjithë salla është ngritur në këmbë dhe ka duartrokitur interpretimin e këngëtares me sy të përlotur.