Në "Olimpico" të Romës, vendasit e Lazios nuk e kishin menduar kaq të vështirë sfidën kundër Comos, me miqtë e trajnerit Fabregas që fituan 0-3 duke dominuar përballjen. Vetëm disa sekonda lojë iu deshën Baturinës për të kaluar në epërsi Comon, ndërsa Nico Paz në minutën e 24-t dyfishoi shifrat. Argjentinasi kishte shansin të trefishonte rezultatin, por në minutën e 35-të gaboi nga pika e bardhë e 11 metërshit. Paz u korrigjua në minutën e 49-të duke shënuar golin e tretë të ndeshjes dhe të dytin personal. Me këtë sukses Como u rikthye te fitorja pas dy ndeshjeve dhe me 37 pikë mbetet në vendin e gjashtë. Ndërkohë që Lazio me 28 pikë mbetet në vendin e nëntë dhe në pesë ndeshjet e fundit ka vetëm një fitore.

S.Dh/Shqiptarja.com
  • Sondazhi i ditës: 27 Mars, 08:12

    Rritja e çmimit të ushqimeve, a duhet të marrë masa qeveria për të mbrojtur konsumatorët?

Lajme të tjera