Serie A e futbollit mbylli raundin e shtatë me barazimin 1-1 mes Cremoneses dhe Udineses. Në stadiumin 'Giovanni Zini' ishin vendasit që kaluan të parët në epërsi pas vetëm katër minutave lojë me golin e Terraccionos, ndërsa në pjesën e dytë Zaniolo vendosi ekuilibrat duke bërë që ndeshja të mbyllej 1-1 dhe skuadrat të merrnin nga një pikë.

Ky raund në Serie A vendosi edhe një rekord negativ, me vetëm 11 gola të shënuar në dhjetë takime. Rekordi i mëparshëm ishte 13-të. Barazimi 1-1 midis Cremonese dhe Udinese mbylli një javë që pati katër barazime 0-0. Në të kaluarën, ka pasur katër sezone në të cilat janë regjistruar javë me numër golash të ulët (13).

Më i afërti është raundi i dytë i sezonit 2022-23, një kampionat që kulmoi me fitoren e Napolit të Luciano Spallettit. Një tjetër moment është në sezonin 2017-18. Duke shkuar më tej në kohë, pati dy sezone të tjera me këtë rekord negativ, raundi i nëntë i sezonit 2010-11 dhe i njëmbëdhjeti i sezonit 2004-05.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 22 Shkurt, 21:11

    A duhet ta miratojë Kuvendi kërkesën e SPAK për arrestimin e Ballukut?

Lajme të tjera