Serie A e futbollit në Itali nisi të premte me raundin e 15-të. Lecce fitoi 1-0 në fushën e saj kundër Pisas, por për vendasit pati shqetësime për gjendjen e Medon Berishës.

Mesfushori i Kombëtares e nisi ndeshjen titullar, por pas vetëm dhjetë minutash lojë ndjeu shqetësime dhe u desh të dilte nga fusha me barelë dhe mes lotësh. Vendin e tij e mori Kaba, ndërsa shihet se Ylber Ramadani i qëndron pranë gjatë gjithë kohës bashkëkombasit të tij.

Frika për Berishën është në një këputje te muskujt aduktorë të kofshës. Lecce ende nuk ka dhënë një raport mbi gjendjen e tij.

Sa i takon ndeshjes, vendasit e Lecces ia dolën të merrnin tri pikë falë golit të Stulic në minutën e 72-të dhe me 16 pikë ngjiten për momentin në vendin e 13-të, duke lënë Pisan me 10 pikë në vendin e 18-të.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 11 Dhjetor, 07:30

    Çfarë vlerësimi keni për drejtimin e SPAK nga Altin Dumani?

Lajme të tjera