VIDEO/ Dwamena u shfaq në ekranin e 'Air Albanias', si ish-kapiteni i ndjerë motivoi Egnatian në finalen me Partizanin

Egnatia është kampione e Superligës së futbollit për sezonin 2023-24. Në finalen e "Final 4", rrogozhinasit mundën 1-0 Partizanin në "Air Albania" falë golit të Ibrahimoglu në minutën e 35-të.

Përtej rezultatit, interesante është mënyra sesi trajneri Edlir Tetova dhe stafi i Egnatias motivuan lojtarët e tyre. Pak përpara ndeshjes, trajneri Tetova mbajti një fjalim para ekipit, teksa fill pas saj një video u shfaq në ekran.

Në të kishte pamje nga Raphael Dwamena, ish-kapiteni i ndjerë i Egnatias që u nda nga jeta në fushë më 11 nëntorin e 2023 në një ndeshje kundër Partizanit në "Arena Egnatia".

“Me shpirt e zemër, çdo gjë unë ja dedikoj atij lojtari. Kemi zgjedhur disa momente, nga më të mirat si ai e shijonte ndeshjen. Dua që ju ta shijoni ndeshjen si Dwamena”, thotë trajneri Edlir Tetova.

Edhe festa e fitores në fundin e 90 minutave ishte për 28-vjeçarin që ka lënë një plagë të madhe te rrogozhinasit.

Egnatia feston me fanellën e Dwamenas

 

S.DH/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    'Rasti Qefalia', a fshihen gjobat pas akuzave të Këlliçit, Nokës, opozitës?



×

Lajmi i fundit

Çollaku i PD sulmon Metën: S’i takon t’i japë leksione demokratëve, në protestë ishte i ftuar, jo zoti i shtëpisë

Çollaku i PD sulmon Metën: S’i takon t’i japë leksione demokratëve, në protestë ishte i ftuar, jo zoti i shtëpisë